উপদেশক 9:9 - Chakma Bible

⁹ বেলান তলেদি গোজেনে তরে এ কয়েক্কো দিন দিয়্যে, তঅ জিংকানির্ সে দিনুন্ তঅ মোক্কো, যিবেরে তুই কোচ্‌পাজ, তা সমারে হুজিয়ে-রাজিয়ে কাঢা, কিত্তে বেলান তলেদি তর্ জিংকানিগান আর তর্ দুঘে কাম্ গরানা ভিদিরে ইয়েনই তর্ পাওনা।

উপদেশক 9:9 Iomraidhean Croise

পত্থম 26:8

ইস্‌হাকে ভালোক দিন সিয়েনত্‌ কাদেল। একদিনে পলেষ্টীয়গুনোর রাজা অবীমেলকে জানালান্দি রিনি চেলঅ। তে চেইনে আমক্‌ ওই গেলঅ, ইস্‌হাকে তার মোক্কো রিবিকারে কির্ব্য গরের্‌।

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

গম্ উপদেজ্ 18:22

যে মানুচ্চো মোগ্ পায় তে বর্ পায় আর লগেপ্রভুত্তুন্ দোয়্যে পায়।

গম্ উপদেজ্ 19:14

ঘর-সংসার আর ধন বাবত্তুন্ পাহ্ যায়, মাত্তর্ বুদ্ধিবলা মোগ্ পাহ্ যায় লগেপ্রভু ইত্তুন্।

উপদেশক 2:10

মঅ চোগেদি যিয়েন্ গম্ লাগিদো মুই সিয়েনই গুজি লদুং; মুই নিজোরে বেক্ রঙ্গ-ফুত্তিগানি গুরিবাত্তে দিদুং। মর্ বেক্ কামানি ইদু মঅ মনানে হুজি অদঅ, আর ইয়েনই এলঅ মর্ বেক্ কামানির্ বক্‌শিজ্।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 3:13

ইয়েন গোজেনর্ দান, বেক্ মানুচ্চুনে হানা-দানা গুরিবাক্ আর তার বেক্ কামানিত্তে হুজি অবাক্।

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।