উপদেশক 9:8 - Chakma Bible

⁸ নিত্য ধুব্ কাবড় উরিনে আর মাঢাত্ তেল্ দিইনে রঙ্গ-ফুত্তি গুরিবে।

উপদেশক 9:8 Iomraidhean Croise

২ শমূয়েল 14:2

যোয়াবে সেক্কে তকোয়ত্‌ মানুচ্‌ পাদেইনে সিয়োত্তুন্‌ এক্কো চালাগ্ মিলে আনিলো। তে তারে কলঅ, “তত্তুন্‌ আবিলেচ্‌ গুরিবার্‌ ছলনা গরা পুরিবো। তুই আবিলেজর্‌ পোজাক্‌ উরিবে আর কিয়্যেত্‌ তেল্‌ ন-মাজিবে। তুই যেনে মরাবোত্তে ভালোক্‌দিন ধুরিনে আবিলেচ্‌ গোজ্যস্‌ নিজোরে সেধোক্ক্যেন্ গুরি দেগেবে।

২ শমূয়েল 19:24

এ পরেন্দি শৌল নাদিন্ মফীবোশতে রাজার লগে দেগা গুরিবাত্তে এলঅ। রাজা যেবার পরেত্তুন্‌ ধুরি তার গমেডালে ফিরি এজানার দিন্নো সং তে নিজো টেঙানি যত্তন্‌ ন-গরে, দাড়িগানি নঅ-কাবে আর কাবড়-চুগোরানিয়ো নঅ-ধয়।

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

গীতসংহিতা 23:5

শত্রুগুনো ভিদিরেত্তুন তুই মর্ মুজুঙোত্ হানা সাজেয়্যে টেবিলান্ রাগাচ্; মঅ মাঢাবোত্ তেল্ দে; মঅ গলচ্চো উগুরি পড়ের্।

দানিয়েল 10:3

সেই তিন সাপ্তা থুম্ ন-অনা সং কনঅ গম্ হানা মুই ন-হাং, য়েরা বা আংগুর-রস মুয়োত্ ন-দুয়োং আর তেলঅ ন-গুলোং।

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

মথি লেখ্যে গম্ হবর্ 6:17

মাত্তর্ তুই যেক্কে উবোস্ থাচ্ সেক্কে মাঢাত্ তেল দিচ্ আর মুয়োন্ দোচ্,

লূকে লেখ্যে গম্ হবর্ 7:46

তুই মঅ মাঢাবোত্ তেল্ ন-দুয়োচ্, মাত্তর্ তে মঅ টেঙ উগুরে আতর্ ঢালি দিয়্যে।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 19:14

স্বর্গর্ সৈন্যদলুনে ধুব্ সাব্ মসীনার্ কাবড় পিনিনে ধুব্ ঘোড়াত্ চড়িনে তা পিজে পিজে যাদন্।

ফগদাং পেইয়্যে 19:8

চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।

রূত 3:3

তুই গাদিগাদাই তুম্বাজ্‌ তেল মাঝি লঅ আর গম্‌ কাবড়-চুগোর্ উরিনে সেই খামারত্‌ যাহ্। মাত্তর্‌ তার খানা-দানা শেজ্‌ ন-অনা সং তে যেনে তরে ন-দেগে।