উপদেশক 9:7 - Chakma Bible

⁷ সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

উপদেশক 9:7 Iomraidhean Croise

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

উপদেশক 10:19

আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

উপদেশক 11:8

এক্কো মানুচ্ যুনি ভালোক্ বজর্ বাঁজি থায় সালে তে যেন সে দিনুনোত্ রঙ্গ-ফুত্তি গরে। মাত্তর্ আন্ধার দিনুনোর্ কধায়ো যেন তে মনত্ রাগায়, কিত্তে সিগুন বোউত্ অবাক্। যিয়েনি ঘুদিবো সিয়েনি বেক্কানি কানক্কনত্তে।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 7:14

সুগো দিনোত্ সুগি অ; মাত্তর্ দুঘোর্ দিনোত্ এ কধাগান্ চিদে গুরি চাহ্, গোজেনে যেধোক্ক্যেন্ সুগে রাগেয়্যে সেধোক্ক্যেন্ দুঘোত্অ রাগেয়্যে, যেনে মান্‌জ্যে তা ভবিচ্চদর্ কনঅ কিজু হবর্ ন-পান্।

উপদেশক 8:15

সেনত্তে মুই জিংকানিত্ রঙ্গ-ফুত্তিত্ বাঈনী গোজ্যং, কিত্তে বেলান তলেদি হানা-দানা আর ফুত্তি গরানা বাদে মান্‌জ্যত্তে গম্ আর কিচ্চু নেই। সালে বেলান তলেদি গোজেনর্ দিয়্যে মান্‌জ্য জিংকানির্ বেক্ দিনুনোত্ তা কামত্ ফুত্তিগান্ অবদে তার্ সমাজ্যে।

গণাণা 6:20

সে পরেদি ধর্মগুরুবো দোলন-উৎসর্ব ইজেবে সিবে লগেপ্রভুর মুজুঙোত্‌ দুলেব। ইগুন্‌ পবিত্র আর ধর্মগুরুগুনোর্‌ পাওনা। ইগুনবাদে দুলেই রাগেয়ে বুগোর্‌ য়েরা আর উৎসর্ব গোজ্যে নলাপেট্টোয়ো ধর্মগুরুগুনোর্‌ পাওনা। এদক্কানি ওই যানার্‌ পরেদি সেই নাসরীয়বো আংগুরো-রস হেই পারিবো।

মার্ক 7:29

যীশু তারে কলঅ, “কধাগান তুই গমেডালে কোইয়োচ্। ইক্কিনে যাহ্; যেইনে চাহ্, ভান্ন্যেই আত্মাগানে তঅ ঝিবো ভিদিরেত্তুন্ নিগিলি যেইয়্যে।”

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

যোহন 4:50

যীশু তারে কলঅ, “তুই যাহ্, তঅ পুয়োবো বাঁজিলো।” সেক্কে তে যীশুর্ কধালোই বিশ্বেজ্ গুরিনে গেলগোই।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

রূত 3:7

হানা-দানার পরেন্দি বোয়সর মনান্‌ যেক্কে খুজি অলঅ সেক্কে তে থুবেই-রাগেয়্যে শোজ্যর এক কিত্তেন্দি যেইনে ঘুমোত্‌ পুরিলো। রূতে চুবে চুবে যেইনে তা টেঙ উগুরেত্তুন কাবড়ান্‌ সোরেইনে সিয়োত্‌ ঘুমোত্‌ পুরিলো।