উপদেশক 9:6 - Chakma Bible

⁶ তারার্ কোচ্‌পানা, ঈচ্ গরানা আর ইংসে গরানা আগেদি থুম্ ওই যেইয়্যে; বেলান তলেদি যিয়েনি ঘুদিবো সেক্কে তারার্ আর কনঅ ভাগ্ ন-থেবঅ।

উপদেশক 9:6 Iomraidhean Croise

যাত্রা 1:8

পরেদি এক সময়োত্‌ মিসর দেজর্‌ বেক্‌ খেমতাগান এন্‌ এক্কো নূয়ো রাজার্ আঢত্‌ গেলঅ যিবে যোষেফ পৌইদ্যেনে কিচ্চু হবর্‌ ন পেদঅ।

গম্ উপদেজ্ 10:28

গোজেন ভক্তগুনোর্ আজাগানিত্ ফুত্তি আঘে, মাত্তর্ পাজিগুনোর আজাগানিত্ ছেই পুরিবো।

উপদেশক 2:10

মঅ চোগেদি যিয়েন্ গম্ লাগিদো মুই সিয়েনই গুজি লদুং; মুই নিজোরে বেক্ রঙ্গ-ফুত্তিগানি গুরিবাত্তে দিদুং। মর্ বেক্ কামানি ইদু মঅ মনানে হুজি অদঅ, আর ইয়েনই এলঅ মর্ বেক্ কামানির্ বক্‌শিজ্।

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 9:1

সেনত্তে মুই ইয়েনি পৌইদ্যেনে চিদে গুরিলুং আর দেগিলুং, গম্ আর জ্ঞানী মানুচ্চুনে আর তারার্ কামানি বেক্কানি গোজেন আঢত্। কনজনে হবর্ ন-পান্ তাত্তে কি বাজ্জেই আঘে-কোচ্‌পানা না ঘিনেনা।

যিশাইয় 38:11

মুই কোইয়োঙে, মুই লগেপ্রভুরে জেদাগুনোর্ দেজত্ আর ন-দেগিম্; এ কয়েকদিন্যে সংসারত্ বজত্তিগুরিয়্যে মানুচ্চুনোরেয়ো আর মুই ন-দেগিম।

মথি লেখ্যে গম্ হবর্ 2:20

“উঠ্, পুয়োবোরে আর তা মাবোরে লোইনে ইস্রায়েল দেজত্ ফিরি যাহ্। পুয়োবোরে যিগুনে মারে ফেলেবাত্তে চেইয়োন তারা মুরি যেইয়োন্।”