উপদেশক 9:3 - Chakma Bible

³ বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

উপদেশক 9:3 Iomraidhean Croise

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

ইয়োব 21:26

তারা একই মাধিত্‌ পড়ি থান্‌; পুগে তারার্‌ দ্বিজনরে ঢাগি ফেলেয়োন।

ইয়োব 9:22

বেক্কুনে সং সং, সেনত্তে মুই কঙত্তে, নিদ্দুযি আর শদান্‌-এ দ্বিবেরে তে ভস্ত গরে।

গীতসংহিতা 51:5

অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

গীতসংহিতা 64:7

মাত্তর্ গোজেনে তারা উগুরে সেল মারিবো; আদিক্ক্যেন্‌গুরি সেল্লো ফুদিনে তারা পড়ি যেবাক্।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

উপদেশক 1:17

সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

উপদেশক 2:14

জ্ঞানী মান্‌জ্যর চোগ্ আঘে, মাত্তর্ ভুলো আন্ধারত্ আঢাউদো গরে; মাত্তর্ মুই ইয়েনই বুঝিলুং, সে দ্বিজনর্ শেজ্ দজাগান্ এক্কুই।

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 7:25

সেনত্তে মুই মনান্ থির্ গুরিলুং যেনে জ্ঞান আর বেক্কানির্ পিজেদি যে সল্লাগান্ আঘে সিয়েন্ জানি পারং আর পোরোক্ষ্যে আহ্ তোগেইনে চেই পারং, আর বুঝোং, পাজিগান্ অলঅ ভুলো কাম্ আর বুদ্ধিনেইয়্যেগান্ অলঅ বিচেরবুদ্ধিনেইয়্যে।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

উপদেশক 9:2

বেক্কুনোর্ শেজ্ অবস্থাগান্ এক্কুই-তে গম্ ওক্ বা পাজি ওক্ আর সিজি ওক্ বা অসিজি ওক্, উৎসর্বর পরব্ গোরোক্ বা ন-গোরোক্। গম্ মান্‌জ্যত্তে যেধোক্ক্যেন্, পাপীত্তেও সেধোক্ক্যেন্; যিগুনে শমক্ খান্ তারাত্তে যেধোক্ক্যেন্, যিগুনে সিয়েন গুরিবাত্তে দরান্ তারাত্তেও সেধোক্ক্যেন্।

উপদেশক 9:4

জেদা মানুচ্চুনোর্ আজা আঘে; এমন কি, মরা সিংহত্তুন্ জেদা কুগুরুন্অ গম্।

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

লূকে লেখ্যে গম্ হবর্ 15:17

পরেদি একদিন্যে তার উষ্ অলঅ। সেক্কে তে কলঅ, মঅ বাপ্পোর্ কদক্ চাগরে কদক্ বেশ্ হানা হেই পাদন্, অদচ মুই ইধু পেট্ পরায় মরঙর্।

লূকে লেখ্যে গম্ হবর্ 6:11

সেক্কে তারা অমকদ রাগ্ গুরিলাক্ আর যীশুরে নিইনে কি গরা যায় সিয়েন্ নিজো ভিদিরে কুয়ো-কি গরা ধুরিলাক্।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

২ পিতর 2:16

মাত্তর্ তার ভান্ন্যেই কামানিত্যে তে এক্কো ববা গাধাত্তুন্ ধমক্ খেইয়্যে। সেই গাধাবো মান্‌জ্য ধোক্ক্যেন কধা কোইনে তার্ পাগলামিত্ মানা গোজ্জ্যে।