উপদেশক 9:2 - Chakma Bible

² বেক্কুনোর্ শেজ্ অবস্থাগান্ এক্কুই-তে গম্ ওক্ বা পাজি ওক্ আর সিজি ওক্ বা অসিজি ওক্, উৎসর্বর পরব্ গোরোক্ বা ন-গোরোক্। গম্ মান্‌জ্যত্তে যেধোক্ক্যেন্, পাপীত্তেও সেধোক্ক্যেন্; যিগুনে শমক্ খান্ তারাত্তে যেধোক্ক্যেন্, যিগুনে সিয়েন গুরিবাত্তে দরান্ তারাত্তেও সেধোক্ক্যেন্।

উপদেশক 9:2 Iomraidhean Croise

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

ইয়োব 9:22

বেক্কুনে সং সং, সেনত্তে মুই কঙত্তে, নিদ্দুযি আর শদান্‌-এ দ্বিবেরে তে ভস্ত গরে।

গীতসংহিতা 73:3

মুই দেগিলুং, পাজিগুনে বেশ্ সুগে আগন্, সেনত্তে বেক্ বার্‌বো গুরিয়্যেগুনোরে দেগিনে মর্ ইংসে ওইয়্যে;

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 6:6

সেই মানুচ্চো যুনিয়ো বা দ্বিআজার্ বজর্ বাঁজি থায় মাত্তর্ জিংকানিত্ সুগ্ ন-পায় সালে তার্ লাভ্ কি? বেক্কুনে কি এক জাগাত্ ন-যান্?

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিরমিয় 43:6

ইগুনে সেবাবোত্যে মরদ, মিলে, ঝি-পুয়ো আর রাজার ঝি, যিগুনোরে রাজার রোক্ষ্যেদলর সেনাপতি নবূষরদনে গদলিয় আঢত্ থোই যেইয়্যে এলাক্। ইগুনো সমারে ভাববাদী যিরমিয় আর বারূকরেয়ো নেযা অলঅ।

মালাখি 3:15

ইক্কিনে আমি বাড়্‌বো গুরিয়্যেগুনোরে বর্ পেইয়্যে কোর্; অয়, অন্যেয়গুরিয়্যেগুনে ভালেদি গোজ্যন্; তারা গোজেনরে যগা নেইনেয়ো রেহাই পাদন্।’ ”

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

১ শমূয়েল 14:26

তারা দেগিলাক্, এক্কো চাগত্তুন্‌ মধু ঝুরি পড়ের্‌ মাত্তর্‌ শমক্‌ ভাঙিবার্‌ দরে সিয়েন মুয়োত্‌ ন-দিলাক্।