উপদেশক 9:18 - Chakma Bible

¹⁸ যুদ্ধোর্ আত্যেরানিত্তুন্ জ্ঞানান্ গম্, মাত্তর্ এক্কো পাপী বোউত্ গম্ গম্ কাম বর্‌বাত্ গরে।

উপদেশক 9:18 Iomraidhean Croise

২ রাজাবলী 21:2

লগেপ্রভু ইস্রায়েলীয়গুনো মুজুঙেত্তুন্‌ যিদুক্কুন্‌ জাদরে ধাবেই দিয়্যে তারা ধোক্ক্যেন জঘন্য কাম্‌ গুরিনে মনঃশি লগেপ্রভুর চোগেন্দি যিয়েনি বজং সিয়েনি গুরিদো।

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

উপদেশক 10:1

মরা মাছিগুনে যেবাবোত্যেগুরি তুম্বাজ্ তেলানরে পযাবাজ্ গরন, সেবাবোত্যেগুরি এক্কেনা ভুলো জ্ঞানানরে আর সর্মানানরে পুযি ফেলায়।

উপদেশক 10:10

কুড়োলান্ যুনি ভোদা অয় আর সিয়েন ধারা ন-অয়, সালে সিয়েন্ বেবহার গত্তে বেশ্ বল্ লাগে, মাত্তর্ জ্ঞানান্ বেবহার গুরিনে মান্‌জ্যে ফলান্।

উপদেশক 2:13

মুই দেগিলুং, আন্ধারত্তুন্ যেধোক্ক্যেন্ পহ্‌রান গম্, সেধোক্ক্যেন্ ভুলোত্তুন্ জ্ঞানান্ গম্।

উপদেশক 7:12

টেঙা-পোইজ্যে ধোক্ক্যেন্ জ্ঞানানে রোক্ষ্যে গরে, মাত্তর্ জ্ঞানর্ সুবিধেগান্ অলঅ ইয়েন্, জ্ঞানী মান্‌জ্যর্ জ্ঞানানে তা জিংকানিগান্ রোক্ষ্যে গরে।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

উপদেশক 9:16

সেনত্তে মুই কলুং, “খেমতাত্তুন্ জ্ঞানান্ গম্,” মাত্তর্ নাঢা মান্‌জ্যর্ জ্ঞানান্ ঈচ্ গরা অয় আর তা কধানি কনজনে ন-শুনোন্।

২ তীমথিয় 3:8

যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

যিহোশূয় 22:20

যেদক্কানি জিনিস ভস্তর্ অভিশাবর্ তলে এলঅ‌ সে পৌইদ্যেনে সেরহর পূঅ‌ আখনে বিশ্বেজ্ ন-গরে বিলিনে লগেপ্রভুর রাগ্‌কান্‌ কি পুরো ইস্রায়েল সমাজ উগুরে ন-পড়ে? তে দঅ‌-তার্‌ পাবত্তে গায়্‌ গায়্ মুরি ন-যায়।’”

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:5

শঅরর্‌ গেদো ইত্তুন্ অয় শঅরর্‌ মানুচ্চুনে ইস্রায়েলীয়গুনোরে লোড়েইনে শবারীম সং নেযেলাক্‌ আর শবারীমর কামা জাগানত্‌ তারার্‌ ছত্রিশজনরে মারে ফেলেলাক্‌। সেক্কে ইস্রায়েলীয়গুনোর মনবল এক্কুবারে ভাঙি পড়িলো।

১ শমূয়েল 14:30

শত্রুগুনো ইত্তুন্‌ লুদে নেযেয়্যে খানাত্তুন্‌ যুনি এচ্চ্যে মানুচ্চুনে খেই পেদাক্‌ সালে বোউত্‌ গম্‌ অদঅ, আর পলেষ্টীয়গুনেয়ো আরঅ বোউত্‌ মুরি যেদাক্।”