উপদেশক 9:13 - Chakma Bible

¹³ মুই বেলান তলেদি জ্ঞান পৌইদ্যেনে আর এক্কান্ বেপার দেগিলুং যিয়েন মঅ মনত্ গভিন্ গুরিনে মনত্ থেলঅ।

উপদেশক 9:13 Iomraidhean Croise

২ শমূয়েল 20:22

সে পরেন্দি সে মিলেবো বেক্‌ মানুচ্চুনো ইদু যেইনে জ্ঞানর্‌ উপদেশ দিলো। মানুচ্চুনে বিখ্রির পূঅ শেবের মাধাবো কাবি নেযেইনে যোয়াব ইদু দলা মারিনে ফেলেই দিলাক্। যোয়াবে সেক্কে শিংগা বাজেই দিলো আর তা মানুচ্চুনে শঅরত্তুন্‌ যেইনে পত্তিজনে যে যার্‌ ঘরত্‌ আঢি গেলাক্। যোয়াবে যিরূশালেমত্‌ রাজার ইদু ফিরি গেলঅ।

উপদেশক 6:1

বেলান তলেদি মুই আর এক্কান্ দুঘোর্ বেপার দেখ্যং, আর সিয়েন্ মান্‌জ্যত্তে অমকদ দুঘোর্।

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

উপদেশক 8:16

জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

উপদেশক 9:14

এক্কান চিগোন্ শঅরত্ কয়েক্কো মানুচ্ এলাক্। এক্কো খেমতাবলা রাজা তা বিরুদ্ধে এইনে সিয়েন ঘিরিনে আক্রমণ গুরিবাত্তে যুক্কোল্ অলঅ।

দানিয়েল 2:14

রাজার বডিগাত্তুনোর্ সেনাপতি অরিয়োকে যেক্কে সেই সল্লাদিয়্যেগুনোরে মারে ফেলেবাত্তে নিগিলিলো সেক্কে দানিয়েলে বুদ্ধি গুরি উজিয়ারে তা লগে কধা কলঅ।