উপদেশক 9:12 - Chakma Bible

¹² কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

উপদেশক 9:12 Iomraidhean Croise

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গম্ উপদেজ্ 24:22

কিত্তে তারা উগুরে অদাতৎ দজা এবঅ, লগেপ্রভু আর রাজা ইত্তুন্ কিবাবোত্যে দজা এবঅ সিয়েন কন্না হবর্ পায়?

গম্ উপদেজ্ 29:6

পাজি মান্‌‌জ্যে নিজোর পাপে ফালত্ পড়ে, মাত্তর্ গোজেন ভক্ত মান্‌‌জ্যে হুজি অন আর গিদ্ গান।

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

উপদেশক 8:8

বোইয়্যেরানরে যেধোক্ক্যেন্ ধুরি রাগেবার্ খেমতা কারর্ নেই আর যুদ্ধোত্ যেধোক্ক্যেন্ কনজনে ছড়ান্ ন-পায়, সেধোক্ক্যেন্ মরণ দিন্নো উগুরেয়ো কারর্ আঢ্ নেই। পাজিগুনোর্ পাজিগানিও সিয়েনত্তুন্ তারারে রোক্ষ্যে গুরি ন-পারে।

উপদেশক 9:13

মুই বেলান তলেদি জ্ঞান পৌইদ্যেনে আর এক্কান্ বেপার দেগিলুং যিয়েন মঅ মনত্ গভিন্ গুরিনে মনত্ থেলঅ।

যিশাইয় 24:18

যে মানুচ্চো দরে ধেবঅ তে গাদত্ পড়িবো, আর যে গাদত্তুন্ উদি এবঅ তে ফালত্ ধরা পড়িবো। আগাজত্ ফাদামাড়া অবঅ আর পিত্‌‌থিমীর গড়াগান্ গির্‌গিরেব।‌

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিহিষ্কেল 32:3

মুই প্রভু লগেপ্রভু কঙর্, মানুচ্চুনোর এক্কো দাঙর্ দল নিইনে মুই তঅ উগুরে মঅ জালান্ ফেলেম; তারা মঅ জালান্দোই তরে টানি তুলিবাক্।

হোশেয় 7:12

তারা যেক্কে যেবাক্ সেক্কে মুই তারা উগুরে মঅ জালান্ ফেলেম; আগাজ পেগ্‌‌‌‌‌‌‌‌‌কুনো ধোক্ক্যেন গুরি মুই তারারে টানিনে লামেম্। ইস্রায়েলীয়গুনো ইধু যেবাবোত্যে কুয়ো ওইয়্যে সেবাবোত্যেগুরি মুই তারারে সাজা দিম।

হোশেয় 9:8

ভাববাদিবো মর্ গোজেন লগে ইফ্রয়িমর চুগিদার অলেয়ো তার্ বেক্ পথ্‌তানিত্ রোইয়্যেদে ফাল্ আর তার গোজেন ঘরত্ রোইয়্যেদে তা বিরুদ্ধে শত্রুতা।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

লূকে লেখ্যে গম্ হবর্ 12:39

“তুমি ঘেচ্চেকগুরি ইয়েন গুরি পারিদা যে, চুর্ কন্ সময় এবঅ সিয়েন্ যুনি ঘর গিরোজ্‌‌‌সো হবর্ পেদঅ সালে জাগি থেদঅ আর সেই চুর্‌‌‌বোরে তা ঘরত্ সুমিবাত্তে ন-দিদো।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

২ পিতর 2:12

মাত্তর্ যে বুদ্ধিনেইয়্যে য়েমানুনে তারার্ স্বাভাবিক আওজর্ অধীন আর মারে ফেলেবাত্যে যিগুনোর্ জর্ম, এই ফক্কর্ মাষ্টরুনে তারা ধোক্ক্যেন। তারা যিয়েন ন-বুঝোন সে পৌইদ্যেনে ভান্ন্যেই কধা কন্। নিজো কাজর ভিদিরে তারা ভস্ত ওই যেবাক্।