উপদেশক 9:11 - Chakma Bible

¹¹ বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

উপদেশক 9:11 Iomraidhean Croise

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ বংশধর 20:15

যহসীয়েলে কলঅ, “ও রাজা যিহোশাফট আর তুমি যিগুনে যিহূদা আর যিরূশালেমত্‌ বজত্তি গরর্‌, বেক্কুনে শুনো। লগেপ্রভু তমা ইদু এ কধাগান কোইয়্যেদে, ‘এ দাঙর্‌ সৈন্যদল্লোরে দেগিনে তুমি ন-দোরেয়ো বা নিরাজ্ ন-ওইয়ো। এ যুদ্ধোগান্‌ গোজনর, তমার নয়।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

গীতসংহিতা 76:5

সাহসী যোদ্ধাগুনোরে লুদো ওইয়্যে, তারা শেজ ঘুমোত্ ঢুলি পোজ্যন্; কনঅ যোদ্ধার আঢত্ আর বল্ ন-এলঅ।

গম্ উপদেজ্ 1:5

-জ্ঞানীগুনে এ উপদেজ্‌ছানি শুনোদোক্ আর শিক্ষ্যে পাদোক্, আর বুদ্ধিবলাগুনে শুনিনে পধেদি যাদে কাবিল্ ওদোক্-

উপদেশক 2:12

সে পরেদি মুই জ্ঞান, নীতিনেইয়্যে আর ভুল-বেদমার্ কধা ভাবি চেলুং। পুরোণি রাজাবো যেধোক্ক্যেন্ গুরি কাম্ গুরি যেইয়্যে আমি কি কোই পারিই, তা পরেদি রাজাবো সেধোক্ক্যেন্ গুরিনে কাম্ গুরিবো?

উপদেশক 3:14

মুই হবর্ পাং গোজেনে যিয়েনি গরে সিয়েনি উমর্ সং থায়; কিচ্চু তা সমারে মিজেই ন-পারে আর কিচ্চু সিয়েনিত্তুন্ বাদ্ দিয়্যে ন-যায়। গোজেনে সিয়েনি গরে যেন মানুচ্ তারে ভোক্তি গুরিনে দরান্।

উপদেশক 3:17

মুই মনে মনে কলুং, “গোজেনে গম্ আর পাজি এ দ্বিজনরে বিচের্ গুরিবো, কিত্তে গোজেন ইদু বেক্ বেপারানি আর বেক্ কামানির্ এক্কান ঠিগ্ সময় আঘে।”

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 7:13

গোজেনর্ কামানি চিদেগুরি চাহ্। তে যিয়েন্ বেঙা গোজ্যে কন্না সিয়েন্ উজু গুরি পারে?

উপদেশক 9:2

বেক্কুনোর্ শেজ্ অবস্থাগান্ এক্কুই-তে গম্ ওক্ বা পাজি ওক্ আর সিজি ওক্ বা অসিজি ওক্, উৎসর্বর পরব্ গোরোক্ বা ন-গোরোক্। গম্ মান্‌জ্যত্তে যেধোক্ক্যেন্, পাপীত্তেও সেধোক্ক্যেন্; যিগুনে শমক্ খান্ তারাত্তে যেধোক্ক্যেন্, যিগুনে সিয়েন গুরিবাত্তে দরান্ তারাত্তেও সেধোক্ক্যেন্।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিরমিয় 46:6

যিগুনে যাদিমাদি ধাবা দি পারন তারায়ো ধেইযেই ন-পাত্তন্; খেমতাবলা গুনেয়ো ধেইযেই ন-পাত্তন্। উত্তোরেদি ইউফ্রেটিস নাঙ ইধু তারা উজোত্ হেইনে পড়ি যেয়োন।

যিরমিয় 48:14

“তুমি কিবাবোত্যেগুরি কোই পারঅ, ‘আমি যোদ্ধা, যুদ্ধোত্ সাহসী মানুচ্’?

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

১ শমূয়েল 17:50

সেক্কে দায়ূদে ধাবা যেইনে সেই পলেষ্টীয়বো ইদু থিয়্যেল আর তার লাম্বা কিরিচ্ছানর খাবত্তুন্‌ টানি নিগিলেনে তারে মারে ফেলেল আর তার মাঢাবো কাবি নেযেল। এধোক্ক্যেনগুরি দায়ূদে বানা এক্কো ফিংগা আর এক্কো পাত্তর্‌‌লোই সেই পলেষ্টীয়বোরে ওদেই দিলো। তার আঢত্‌ কনঅ লাম্বা কিরিচ্‌ ন-থেলেয়ো তে সেই পলেষ্টীয়বোরে আঘাত গুরিলো আর তারে মারে ফেলেল। পলেষ্টীয়গুনে যেক্কে দেগিলাক্, তারার আজল্‌ বীরবো মুরি যেইয়্যে সেক্কে তারা ধেই যাহ্ আরাম্ভ গুরিলাক্।

১ শমূয়েল 6:9

মাত্তর্‌ খিয়েল্‌ রাগেবা, সুন্দুক্কো যুনি নিজোর দেজছানর পথ্‌তান্‌ ধুরিনে বৈৎ-শেমশত্‌ যায় সালে বুঝিবাদে, আমা উগুরে এই জদবদে অমংলান লগেপ্রভুই আন্যে। মাত্তর্‌ যুনি সেই পদেন্দি ন-যায় সালে আমি বুঝি পারিবোঙে, আমা উগুরে এই আঘাত্তান্‌ তা আঢত্তুন ন-এজে, এম্‌নেই সিয়েন আমা উগুরে এচ্চ্যে।”