উপদেশক 8:13 - Chakma Bible

¹³ মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।

উপদেশক 8:13 Iomraidhean Croise

ইয়োব 14:2

তে ফুলো ধোক্ক্যেন্ ফুদি উদে সে পরেদি শুগেই যায়; তে ছাবা ধোক্ক্যেন্ আধি যায়, আর ন-থায়।

ইয়োব 18:5

“শদানুনোর্ চেরাগ্‌কুন্ মারেই ফেলা অবঅ; তা আগুনোর জিলান্‌ ন-জুলিবো।

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

ইয়োব 21:30

শদান্‌ মান্‌জ্যে দযাত্ পড়িলে রেহাই পান আর রাগ্ উদিলে রোক্ষ্যে পান্?

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 37:1

তুই পাজি মানুচ্চুনোর বেপারানিলোই চিদে ন-গুরিচ্, বা অন্যেয় গুরিয়্যেগুনোরে দেগিনে ইংসে ন-গুরিচ্;

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

উপদেশক 3:14

মুই হবর্ পাং গোজেনে যিয়েনি গরে সিয়েনি উমর্ সং থায়; কিচ্চু তা সমারে মিজেই ন-পারে আর কিচ্চু সিয়েনিত্তুন্ বাদ্ দিয়্যে ন-যায়। গোজেনে সিয়েনি গরে যেন মানুচ্ তারে ভোক্তি গুরিনে দরান্।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

উপদেশক 8:8

বোইয়্যেরানরে যেধোক্ক্যেন্ ধুরি রাগেবার্ খেমতা কারর্ নেই আর যুদ্ধোত্ যেধোক্ক্যেন্ কনজনে ছড়ান্ ন-পায়, সেধোক্ক্যেন্ মরণ দিন্নো উগুরেয়ো কারর্ আঢ্ নেই। পাজিগুনোর্ পাজিগানিও সিয়েনত্তুন্ তারারে রোক্ষ্যে গুরি ন-পারে।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিশাইয় 57:21

মঅ গোজেনে কত্তে, “পাজিগুনোর্ কনঅ সুগ্-শান্দি নেই।”

যিশাইয় 65:20

সিদু কনঅ চিগোন্ গুরো মুরি ন-যেবাক্, বা কনঅ বুড়ো মানুচ্ আয়ু থুম্ ন-অলে ন-মুরিবাক্। কনজনে একশঅ বজর্ বয়জত্ মুরি গেলেয়ো তারে গাবুজ্যে কুয়ো অবঅ; যে একশঅ বজর্ ন-বাঁজিবো তারে অভিশাব্ পেইয়্যে কুয়ো অবঅ।

যিরমিয় 44:10

এজঅ সং তুমি নিজোর মনান ভাঙিনে কট্টা কট্টা ন-গরঅ বা মরে ভোক্তিগুরিনে নয়ো দরঅ; তমার বা তমা পুরোণি মানুচ্চুনো ইধু মুই যে রীদি-সুদোমানি দুয়োং সিয়েনিয়ো তুমি ন-পালঅ।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

যোহন 5:29

যিগুনে গম্ কাম গোজ্যন্ সিগুনে জিংকানি পেবাত্যে উদিবাক্, আর যিগুনে অন্যেয় কাম্ গুরিনে সময় কাদেয়োন্ সিগুনে সাজা পেবাত্যে উদিবাক্।

যাকোব 4:14

মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।