উপদেশক 8:12 - Chakma Bible

¹² পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

উপদেশক 8:12 Iomraidhean Croise

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

১ বংশধর 16:30

পিত্‌থিমীর বেক্‌ মানুচ্চুন্‌, তুমি তা মুজুঙোত্‌ গির্‌গিরে উদো। পিত্‌থিমীগান গমেডালে থিদেবর্ অলঅ, সিয়েন্‌ কনদিনঅ ন-লুরিবো।

ইয়োব 35:15

তুই আরঅ কত্তে, তে রাগে সাজা ন-দে আর বজঙন্দি গমেডালে খিয়েল্ ন-গরে।

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 115:13

তে তার্ চিগোন-দাঙর্ বেক ভক্তগুনোরে বর্ দিবো।

গীতসংহিতা 128:2

তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 37:11

মাত্তর্ নম্র মানুচ্চুনে দেজর্ ভাগ্ পেবাক্; বোউত্ বর্ পেইনে তারা হুজিয়ে নাজি উদিবাক্।

গীতসংহিতা 96:9

লগেপ্রভুর মহিমাবলা পবিত্রগানর কধা ভাবিনে তারে শ্রদ্ধা জানঅ; পিত্‌থিমীর বেক মানুচ্চুন্, তুমি তা মুজুঙোত্ গির্‌রে উদো।

যাত্রা 1:20

গোজেনে সেই ওঝাগুনোরে রোক্ষ্যে গুরিলো। ইস্রায়েলীয়গুনে জনেদি বাড়া ধুরিলাক্ আর তারা জদবদে বোলী ওই উদিলাক্।

গম্ উপদেজ্ 13:21

ফীবলাগানে পাপীগুনো পিজে পিজে এজে, মাত্তর্ ভালেদিগান অলঅ গোজেন ভক্তগুনোর্ পাওনা।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 3:14

মুই হবর্ পাং গোজেনে যিয়েনি গরে সিয়েনি উমর্ সং থায়; কিচ্চু তা সমারে মিজেই ন-পারে আর কিচ্চু সিয়েনিত্তুন্ বাদ্ দিয়্যে ন-যায়। গোজেনে সিয়েনি গরে যেন মানুচ্ তারে ভোক্তি গুরিনে দরান্।

উপদেশক 5:16

ইয়েন্অ এক্কান্ অমদক দুঘোর্ কধা, মানুচ্ যেধোক্ক্যেন্ গুরি এজন্ সেধোক্ক্যেন্ গুরি যান্; সিয়েনর্ লাভ্‌পান কি? তে দঅ বোইয়্যেরানত্তে কাম্ গরে।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

যিরমিয় 44:10

এজঅ সং তুমি নিজোর মনান ভাঙিনে কট্টা কট্টা ন-গরঅ বা মরে ভোক্তিগুরিনে নয়ো দরঅ; তমার বা তমা পুরোণি মানুচ্চুনো ইধু মুই যে রীদি-সুদোমানি দুয়োং সিয়েনিয়ো তুমি ন-পালঅ।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

রোমীয় 9:22

ঠিগ্ সেবাবোত্যেগুরি গোজেনে তা রাগ্‌কান্ আহ্ খেমতাগান্ দেগেবাত্তে চেইয়্যে; তো যে মানুচ্চুনো উগুরে তা রাগ্‌কান্ ফগদাং গুরিবো, খুব ধৈজ্জ্য ধুরিনে তে তারারে সোজ্জ্য গুরিলো। এ মানুচ্চুনোর বানা এক্কান্ পাওনা এলদে ভস্ত অনা।

দ্বি’লম্বর বিররণ 12:25

তমার আর তমার পরেদি তমার পূঅগুনোর যেনে ভালেদি অয় সেনত্যে তুমি লো-গানি ন-হেবা; সালে লগেপ্রভুর চোগোত্‌ যিয়েনি গম্‌ সিয়েনোই গরা অবঅ।

দ্বি’লম্বর বিররণ 12:28

তমার আর তমার পরেদি তমার ঝি-পূঅগুনোরে যেনে আমিঝে ভালেদি অয় সেনত্যে মর্‌ দিয়্যে এ বেক্‌ উগুমানি তুমি যত্তন্‌ গুরিনে পালন গুরিবা, কিত্যে সিয়েনি গুরিলে তমার গোজেন লগেপ্রভুর চোগোত্‌ যিয়েনি ন্যায় আর গম্‌ সিয়েনোই গরা অবঅ।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।