উপদেশক 7:9 - Chakma Bible

⁹ তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

উপদেশক 7:9 Iomraidhean Croise

পত্থম 4:8

ইয়েন পরেদি একদিন্যে মাদত্‌ থেবার অক্তত্‌ কয়িনে তার ভেই হেবল লগে কধা কোইয়্যে, আহ্ সেক্কে তে হেবলরে আক্রমণ গুরিনে মারে ফেলেল।

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

২ শমূয়েল 13:32

মাত্তর্‌ দায়ূদো ভেই শিমিয়োর্‌ পূঅ যোনাদবে কলঅ, “মঅ গিরোজ্‌সো বিশ্বেজ্ গুরি ন-পারিবোদে, রাজার্‌ বেক্ পূঅগুনোরে মারে ফেলা ওইয়্যে; বানা অম্নোনরে মারা ওইয়্যে। ইয়েনর্ কারনান অলঅ, যেদিন্যে তে অবশালোম বোন্নো তামরর্‌ ইজ্জোদ্‌তান্‌ বর্‌বাদ্ গোজ্যে সেদিন্যেত্তুন্‌ ধুরি অবশালোমে ইয়েনই ঠিগ্‌ গুরি রাগেয়্যে।

২ শমূয়েল 19:43

জোবত্‌ ইস্রায়েলর মানুচ্চুনে যিহূদার মানুচ্চুনোরে কলাক্, “আমি দশ গুট্টি বিলি রাজা দায়ূদো উগুরে তমাত্তুন বেশ্‌ আমার অধিকার অাঘে। সেনত্তেই তুমি কিত্তে আমারে এধোক্ক্যেনগুরি ঈচ্ গরর্‌? আমা রাজারে ফিরেই আনিবার কধা কি আমি পোইল্যে ন-কোই?” মাত্তর্‌ ইস্রায়েলর মানুচ্চুনোত্তুন্‌ বেশ্‌ যিহূদার মানুচ্চুনোর কধানি কোচ্‌‌কোচ্যে বিলিনে মনে অলঅ।

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

গম্ উপদেজ্ 25:8

যাদিমাদি মগদ্দমাত্ ন-যেচ্, কিত্তে যেরেদি তঅ পাড়াল্যেবো যুনি তরে লাজত্ ফেলায় সেক্কে তুই কি গুরিবে?

উপদেশক 7:10

“ইক্কিনেত্তুন্ পুরোণি দিনুন্ কিত্তে গম্ এলঅ?” এ কধাগান্ পুযোর্ ন-গুরিচ্, কিত্তে এ পুযোর্ গরানাগান্ বুদ্ধিবলা মান্‌জ্যর্ কাম্ নয়।

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

মার্ক 6:19

ইয়েনত্তে যোহন উগুরে হেরোদিয়ার্ খুব্ রাগ্ এলঅ। তে যোহনরে মারে ফেলেবাত্তে চেইয়্যে,

মার্ক 6:24

ঝিবো বারেদি যেইনে তা মারে পুযোর্ গুরিলো, “মুই কি চেম্?” তা মা কলঅ, “বাপ্তিস্মদিয়্যে যোহনর্ মাঢাবো।”

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;