উপদেশক 7:5 - Chakma Bible

⁵ ভুল বেদমাগুনোর্ গানানি শুনোনাত্তুন্ জ্ঞানী মানুচ্চুনোর্ গেইল্ শুনোনা গম্।

উপদেশক 7:5 Iomraidhean Croise

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গীতসংহিতা 69:12

যিগুনে শঅরর্ গেদোত বোইনে তারা ভিদিরে মরে নিইনে কধা তুলোন্; মাত্তলুনে মরে নিইনে গীদ্ গান।

গম্ উপদেজ্ 13:13

যে মানুচ্চো গোজেন কধানি বাজে মনে গরে তে নিজো দজাগান্ ডাগি আনে, মাত্তর্ যে মানুচ্চো গমেডালে দোরেইনে গোজেন উগুমানি মানে তে তার পাওনা পায়।

গম্ উপদেজ্ 13:18

যে মানুচ্চো শাজনান্ এলাফেলা গরে তে অভাবত্ পড়ে আর লাজ্ পায়, মাত্তর্ যে মানুচ্চো সংশোধন কধানি শুনে তে সর্মানিত অয়।

গম্ উপদেজ্ 17:10

জ্ঞাননেইয়্যে মান্‌জ্য ইদু চাবুগোর্ একশত্তান্ ঘা যেত্তমান্ ন-লাগে, একপল্লা গেইল্ হেলে বুদ্ধিমানর তাত্তুন্ বেশ্ লাগে।

গম্ উপদেজ্ 25:12

সনার দুল্ বা গম্ সনার নেগেলেচ্ যেধোক্ক্যেন্, সেধোক্ক্যেন্ বাধ্য মান্‌‍জ্যর কানত্ জ্ঞানী মান্‌‍জ্যর সংশোধনর কধা।

গম্ উপদেজ্ 27:6

শত্রুয়ে বোউত্ চুমি পারন, মাত্তর্ সমাজ্যের্ দিয়্যে আঘাদত্ বিশ্বেজ্ আঘে।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

গম্ উপদেজ্ 9:8

ঠাট্টা-ঈচ্ গুরিয়্যেবোরে দুষ্ দেগেই ন-দিচ্, দিলে তে তরে ঘিনেব; বরং জ্ঞানি মানুচ্চোরে তা দুষ্‌ছান দেগেই দে, তে তরে কোচ্‌পেব।

উপদেশক 12:11

জ্ঞানী মানুচ্চুনোর্ কধা গরগর্ লুদিগো ধোক্ক্যেন্। তারা কধানি এগত্তর্ গুরিলে মনে অয় যেন বেক্কুন্ দরমর গুরি বানেয়্যে জোলোই। সিয়েনি এক্কো গরগে দিয়্যে কধা।

উপদেশক 7:4

জ্ঞানীবোর্ রিবেঙান্ আবিলেচর্ ঘরত্ থায়, মাত্তর্ ভুল্ মানুচ্চুনোর্ রিবেঙানি থাইদে রঙ্গ-ফুত্তির্ ঘরত্।

উপদেশক 9:17

ভুল্ বেদমাগুনোর্ শাজন্‌গুরিয়্যেবোর্ রঅ ছাড়ানাত্তুন্ বরং জ্ঞানীগুনোর্ দোল্ কধানি শুনোনা গম্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।