উপদেশক 7:4 - Chakma Bible

⁴ জ্ঞানীবোর্ রিবেঙান্ আবিলেচর্ ঘরত্ থায়, মাত্তর্ ভুল্ মানুচ্চুনোর্ রিবেঙানি থাইদে রঙ্গ-ফুত্তির্ ঘরত্।

উপদেশক 7:4 Iomraidhean Croise

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ রাজাবলী 20:16

তারা দ্বিবুজ্যে অক্তত্‌ নিগিলিলাক্‌। নানান্‌ চাগালাত্‌ শাজন্‌গুরিয়্যেগুনোর্‌ সে গাবুজ্যে সৈন্যগুনে পৌইল্যা যাহ্ ধুরিলাক্‌। ইন্দি বিন্‌হদদ আর তা লগে আগন্দে বত্রিশজন রাজা তারার্‌ তাম্বুলো ভিদিরে মাত্তল্‌ অনার্‌ পরেন্দিয়ো মদ হাদন্‌। সে অক্তত্‌ বিন্‌হদদে তোগেবাত্তে মানুচ্‌ পাধেই দিলে তারা তারে হবর্ দিলাক্‌, “শমরিয়াত্তুন্‌ মানুচ্চুনে উজেই এজদন্‌।”

উপদেশক 2:1

মুই নিজোরে কলুং, “সুগ্‌কান কি, সিয়েন বুঝিবাত্তে মুই নিজে রঙ্গ-ফুত্তি গুরিনে সিয়েন পোরোক্ষ্যে গুরি চেম্।” মাত্তর্ দেগিলুং, সিয়েন্অ বাহ্‌জে।

উপদেশক 7:3

ফুত্তি গরানাত্তুন্ দুঘ্ পানা গম্, কিত্তে মুয়োত্ দুঘোর্ ভাব্ থেলেয়ো রিবেঙত্ সুগ্ থেই পারে।

উপদেশক 7:5

ভুল বেদমাগুনোর্ গানানি শুনোনাত্তুন্ জ্ঞানী মানুচ্চুনোর্ গেইল্ শুনোনা গম্।

যিশাইয় 21:4

মঅ মনান্ ধুক্ ধুক্ গরের্; অমকদ দর্ বুগ লাগিনে যারকাদা ছারি উদোন্। যে সাজোন্যেগানত্তে মুই বাজ্জেই থেদুং সিয়েন ইক্কিনে মইদু দর্‌গরেপারা ওইয়্যে।

যিরমিয় 51:39

তারা রাগ্ গুরিলে পরেদি মুই তারাত্তে এক্কো মেইট্‌বানর্ বেবস্থা গুরিম। মুই তারারে মাত্তল্ গুরিম যেন তারা হুজিয়ে নাজি উদোন্, সে পরেদি উমরত্তে ঘুমোন্, কনদিন্‌অ ন‌‌‌-জাগন।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

দানিয়েল 5:30

সেই রেদোত্ বাবিলীয়গুনোর রাজা বেল্‌‌‌শৎসররে মারে ফেলা অলঅ,

হোশেয় 7:5

রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।

১ শমূয়েল 30:16

পরেন্দি তে দায়ূদোরে সে দল ইদু নেযেল। তারা সেক্কে এক্কো মাদ ভিদিরে ছিদি পোজ্যন্‌ আর হানা-দানা গোজ্যন্‌ আর মদ খেইনে ফুত্তি গোজ্যন্‌, কিত্যে পলেষ্টীয়গুনোর দেজ্‌চান আর যিহূদা চাগালাত্তুন্‌ তারা বোউত্‌ পযাপিরা লুদেইনে আন্যন্‌।