উপদেশক 7:26 - Chakma Bible

²⁶ মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

উপদেশক 7:26 Iomraidhean Croise

পত্থম 19:35

এধোক্ক্যেনগুরি তারা সে রেদোত্‌অ তারা বাপ্পোরে আংগুর-রস হাবেইনে মাত্তল্‌ গুরিলাক্‌ আর চিগোন ঝিবো বাবঅ লগে ঘুম্‌ গেলঅ। ঝিবো কক্কে তা লগে ঘুমোত্‌ পড়ল আর কক্কে বা উদি গেলঅ তে সিয়েন্‌ টার্‌অ ন-পেলঅ।

পত্থম 39:9

এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

যাত্রা 10:7

সেক্কে ফরৌণর্‌ কাম্‌গুরিয়্যেগুনে তারে কলাক্, “এ মানুচ্চো আর কয়দিন্‌ আমারে ফাল্ ফাদি থেবঅ? উই মানুচ্চুনে যেনে তারার্‌ গোজেন লগেপ্রভুর্‌ উবোসনা গুরি পারন সেনত্যে তারারে যেবাত্তে দে। তুই কি বুঝি ন-পারত্‌তে, মিসর্‌ দেজ্‌চান্‌ এক্কুবারে শেজ্ ওই গেলঅ?”

গম্ উপদেজ্ 2:16

জ্ঞানানে তরে রোক্ষ্যে গুরিবো বেশ্যে মিলেগুনোর আঢত্তুন্, মিদে কধালোই ভরা বজং পধেদি যেইয়্যে মিলেগুনো আঢত্তুন্।

গম্ উপদেজ্ 22:14

বেশ্যেমিলের্ কধাবাত্তানি যেন গভিন্ গাদ ধোক্ক্যেন; যে মানুচ্চো লগেপ্রভুর রাগর্ মানুচ্ তে সে ভিদিরে পুরিবো।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

গম্ উপদেজ্ 6:24

ইয়েনি তরে বজং মিলেগুনো আঢত্তুন্ রোক্ষ্যে গুরিবো, রোক্ষ্যে গুরিবো ভান্ন্যেই পধেদি যেইয়্যে মিলেগুনোর মিদে মিদে কধানিত্তুন্।

গম্ উপদেজ্ 9:18

মাত্তর্ তারা হবর্ ন-পান, মরা মানুচ্চুনে সিয়েনত্ থান; সেই মিলেবোর ভাত্যেয়্যে মানুচ্চুনে মরণ জাগাত্ থান্।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 7:27

উপদেশকে কোইয়্যেদে, “চাহ্”, বেক্কানির্ পিজেদি যে সল্লাগান্ আঘে সিয়েন্ তোগেই চেবাত্তে মুই উজেই যেইনে কয়েক্কান পৌইদ্যেনে হবর্ পেলুং।