উপদেশক 7:18 - Chakma Bible

¹⁸ এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

উপদেশক 7:18 Iomraidhean Croise

গম্ উপদেজ্ 12:21

গোজেন ভক্ত মানুচ্চুনোর জিংকানিত্ অমংগল ন-অয়, মাত্তর্ পাজিগুনোর জিংকানিত্ অমংগলে ভরা থায়।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

উপদেশক 11:6

তঅ বীজিগুন্ বেন্যেমাদান্ ফেলা, বেল্যে মাদান্অ তঅ আঢ্‌তানিরে সে কামানি গুরিবাত্তে দিচ্, কিত্তে কন্ সময়োত্ কামানি গম্ অবঅ না কি দুনোগান্ সং সং গুরি গম্ অবঅ, সিয়েন্ দঅ তুই হবর্ ন-পাজ্।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 3:14

মুই হবর্ পাং গোজেনে যিয়েনি গরে সিয়েনি উমর্ সং থায়; কিচ্চু তা সমারে মিজেই ন-পারে আর কিচ্চু সিয়েনিত্তুন্ বাদ্ দিয়্যে ন-যায়। গোজেনে সিয়েনি গরে যেন মানুচ্ তারে ভোক্তি গুরিনে দরান্।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

উপদেশক 8:13

মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।