উপদেশক 7:13 - Chakma Bible

¹³ গোজেনর্ কামানি চিদেগুরি চাহ্। তে যিয়েন্ বেঙা গোজ্যে কন্না সিয়েন্ উজু গুরি পারে?

উপদেশক 7:13 Iomraidhean Croise

ইয়োব 11:10

তে এইনে যুনি তরে জেলোত্‌ বন্দী গরে আর বিচের্‌ বজায়, সালে কন্না তারে মানা গুরি পারে?

ইয়োব 12:14

তে ভাঙিলে আর সিয়েন্‌ বানা ন-যায়; তে কাররে জেলোত্‌ আক্‌সোই রাগেলে ছড়ান্‌ দিয়্যে ন-যায়।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 37:14

ইয়োব, তুই এ কধাগান শুন; থির্ ওইনে গোজেনর আমক্ অইদে কাম কধানি চিদে গর্।

ইয়োব 9:12

যুনি তে কারি নেযায় কন্না তারে মানা গুরি পারে? কন্না তারে কোই পারে, তুই কি গরর্‌?

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

উপদেশক 1:15

যিয়েন্ বেঙা সিয়েন্ উজু গরা ন-যায়; যিয়েন্ বাগি আঘে সিয়েন্ পুরোন্ গরা ন-যায়।

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 43:13

অয়, পৌইল্যেত্তুন্ ধুরি মুয়ই সিবে। কনজনে মঅ আঢত্তুন্ রোক্ষ্যে গুরি ন-পারে। মুই কাম্ গুরিলে কনজনে সিয়েন বাদ্ দি ন-পারে।”

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

লূকে লেখ্যে গম্ হবর্ 12:26

সালে এ চিগোন্ কামান-অ যুনি তুমি গুরি ন-পারঅ সালে অন্য বেপারত্যেই কিত্ত্যে চিদে গরঅ?

রোমীয় 9:15

“মর্ যিবেরে আওজ্ তারে দোয়্যে গুরিম, যিবেরে আওজ্ তারে মেয়্যে গুরিম।”

রোমীয় 9:19

অয়ত তমাত্তুন্ কেঅ মরে পুযোর্ গুরিবাক্, “সালে গোজেনে কিত্ত্যে মান্‌জ্যর দুষ্ ধরে? কনজনে কি গোজেনর্ উদ্দেশ্যগানরে মানা গুরি পারন্?”

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।