উপদেশক 7:12 - Chakma Bible

¹² টেঙা-পোইজ্যে ধোক্ক্যেন্ জ্ঞানানে রোক্ষ্যে গরে, মাত্তর্ জ্ঞানর্ সুবিধেগান্ অলঅ ইয়েন্, জ্ঞানী মান্‌জ্যর্ জ্ঞানানে তা জিংকানিগান্ রোক্ষ্যে গরে।

উপদেশক 7:12 Iomraidhean Croise

ইয়োব 1:10

তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 14:20

নাঢা মান্‌জ্যরে তা পাড়াল্যেগুনেয়ো ঈচ্ গরন, মাত্তর্ তাগোয়্যেগুনোর বোউত্ সমাজ্যে থান্।

গম্ উপদেজ্ 2:11

তর্ গম-ভান্ন্যেই বুঝিবার খেমতাগানে তরে রোক্ষ্যে গুরিবো, আর বিচের বুদ্ধিগানে তরে চুগি দিবো।

গম্ উপদেজ্ 2:7

গম্ মনর্ মানুচ্চুনোত্তে তে তরিত্ বুদ্ধি থুবেই রাগায়; যিগুনে গমেডালে চলন্ তে তারার ঢাল অয়,

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

গম্ উপদেজ্ 8:35

কিত্তে যে মরে পায় তে জিংকানি পায় আর লগেপ্রভুত্তুন্ দোয়্যে পায়।

গম্ উপদেজ্ 9:11

গম্ বুদ্ধিগানে কয়, “মঅ মাধ্যমে তুই ভালোক্ দিন বাঁজি থেবে, তঅ আয়ুগান আরঅ ভালোক্ বজর বাড়িবো।

উপদেশক 10:19

আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

উপদেশক 2:13

মুই দেগিলুং, আন্ধারত্তুন্ যেধোক্ক্যেন্ পহ্‌রান গম্, সেধোক্ক্যেন্ ভুলোত্তুন্ জ্ঞানান্ গম্।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

উপদেশক 9:16

সেনত্তে মুই কলুং, “খেমতাত্তুন্ জ্ঞানান্ গম্,” মাত্তর্ নাঢা মান্‌জ্যর্ জ্ঞানান্ ঈচ্ গরা অয় আর তা কধানি কনজনে ন-শুনোন্।

উপদেশক 9:18

যুদ্ধোর্ আত্যেরানিত্তুন্ জ্ঞানান্ গম্, মাত্তর্ এক্কো পাপী বোউত্ গম্ গম্ কাম বর্‌বাত্ গরে।

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যোহন 12:50

মুই কোই পারং তা উগুমানই উমর্‌অ জিংকানি। ইয়েনত্যে মুই যেদক্কানি কধা কং সিয়েনি মঅ বাবার্ উগুম্ মজিম্ কং।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।