উপদেশক 6:3 - Chakma Bible

³ কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

উপদেশক 6:3 Iomraidhean Croise

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

২ রাজাবলী 10:1

শমরিয়াত আহাবর সত্তুরজন বংশধর এলাক্‌। যেহূ চিদি লিগিনে শমরিয়াত্‌ যিষ্রিয়েলর শাজন্‌গুরিয়্যেগুনো ইদু, বুড়ো নেতাগুনো ইদু আর আহাবর বংশধরুনো রোক্ষ্যেগুরিয়্যেগুনো ইদু পাধেই দিলো। তে লিগিলোদে,

২ রাজাবলী 9:35

মাত্তর্‌ মানুচ্চুনে যেক্কে তারে গোর্ দিবাত্তে বারেন্দি গেলাক্‌ সেক্কে তা মাধাবোর কুলোচারাবো, আঢ্ আর টেঙানি বাদে আর কিচ্ছু নঅ-পেলাক্‌।

১ বংশধর 28:5

লগেপ্রভু মরে ভালোক্কুন্‌ পুয়ো দিয়্যে, আর সে পুয়োগুনো ভিদিরে লগেপ্রভুর রেজ্যগান্‌ ইস্রায়েল সিংহাসনত্‌ বোজেবাত্তে তে মঅ পুয়োবো শলোমনরে বেঈ লোইয়্যে।

২ বংশধর 11:21

রহবিয়ামে তার্‌ অন্য মোক্কুন্‌ আর দ্বিতীয় ঘর মোক্কুনোত্তুন্‌ অবশালোম ঝি মাখারে বেশ্‌ কোচ্‌পেদঅ। তার্‌ বেক্কুনে আদারবো মোক্‌ আর ষায়েট্টো দ্বিতীয় ঘর মোক্‌, আদেশছুয়ো পুয়ো আর ষায়েট্‌তো ঝি এলাক্‌।

ইষ্টের 5:11

সে পরেন্দি তে তারার্‌ ইদু তার্‌ ধন-সম্পদর্‌ কধা, তা পূঅগুনোর্‌ কধা, যেদক্কানি উপায়ে রাজা তারে সর্মান দেগেয়্যে সিয়েনির কধা আর কেধোক্কেন্‌ গুরিনে তারে অন্য দাঙর্‌ পোজিশনর্‌ মানুচ্চুনোত্তুন্‌ আর অফিসারুনোত্তুন্‌ উগুরে তুল্যে সে কধানি বার্‌বো গুরিনে কুয়ো ধুরিলো।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইয়োব 3:11

মুই কিত্তে পেদত্‌ থাগদে ন-মরং? কিত্তেই বা পেদত্তুন্‌ পড়িনে ন-মরং?

ইয়োব 3:16

যে চিজিবো দিনো পহ্‌র ন-দেগে, কিত্তেই পেদত্‌ মুরি-যেইয়্যে সেই চিজিবো ধোক্ক্যেন্ মরে মাদি ভিদিরে লুগেই রাগা ন-অলঅ?

গীতসংহিতা 58:8

শামুক যেধোক্ক্যেন্ যাদে যাদে অদাতৎ লুগি যান্ সেধোক্ক্যেন তারায়ো অদাতৎ লুগি যাদোক্; তারা যেন মা পেদত্ মরা পুঅ ধোক্ক্যেন অন্ যিগুনে পহর্ ন-দেগন।

গম্ উপদেজ্ 17:6

নাদিন-পুদিনুন্ বুড়োগুনোর ভবিচ্চদ, আর বাব্‌পো তা পুয়ো-ঝিগুনোরে বাড়্‌বো গুরিবার কধা।

উপদেশক 4:3

মাত্তর্ এ দ্বিজনত্তুন্ তা অবস্থাগান্ আরঅ গম্ যিবে এজঅ জর্ময়ো ন-অয় আর বেলান তলেদি যে অন্যেয়ানি গরা অয় সিয়েনি ন-দেগে।

উপদেশক 6:4

সে মরা পুয়োবো অনত্তক্ এইনে আন্ধারত্ বিদেয় নেযায় আর আন্ধারত্ তা নাঙান্ নাঢা যায়।

যিরমিয় 22:19

গাধারে যেবাবোত্যেগুরি গোর্ দিয়্যে অয় সেবাবোত্যেগুরি তারে গোর্ দিয়্যে অবঅ; তারে টানিনে যিরূশালেমর গেদো বারেদি ফেলেই দিয়্যে অবঅ।”

যিরমিয় 36:30

সেনত্তে তঅ পৌইদ্যেনে মুই লগেপ্রভু কঙর্, দায়ূদোর সিংহাসনত্ বজিবাত্তে তত্তুন্ কনজন বাঁজি ন-থেবাক্; তঅ কিয়্যেগান বারেদি ফেলেই দিয়্যে অবঅ আর সিয়েন দিনো অক্তত্ গরমত্ আর রেদো অক্তত্ ঠান্ডায় পড়ি থেবঅ।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”