উপদেশক 6:2 - Chakma Bible

² গোজেনে কনঅ মান্‌জ্যরে এদক্ ধন, সোম্বোত্তি আর সর্মান দান গরেদে যে, তার্ চাইদ্যে ধোক্ক্যেন্ আর্ কিচ্চু ন-থায়, মাত্তর্ গোজেনে তারে সিয়েনি ভোগ্ গুরিবার খেমতা ন-দে, অন্য একজনে সিয়েনি ভোগ্ গুরিবো। ইয়েন বাহ্‌জে, ইয়েন অমকদ দুঘো কধা।

উপদেশক 6:2 Iomraidhean Croise

১ রাজাবলী 3:13

ইয়েনিবাদে যিয়েনি তুই ন-চাজ্‌ সিয়েনিয়ো মুই তরে দিলুং। মুই তরে এন্‌ ধন-দৌলত আর সর্মান দিলুং যার ফলে জীংকানিগানত্‌ রাজাগুনোর ভিদিরে আর কনজন তর্‌ সং ন-অবাক্।

১ বংশধর 29:25

লগেপ্রভু বেক্‌ ইস্রায়েল মানুচ্চুনো চোগোত্‌ শলোমনরে অমকদ দাঙর্‌ গুরিলো আর তারে এধোক্ক্যেন রাজকীয় বার্ গরানা দান গুরিলো যিয়েন্‌ ইয়েন আগেন্দি কনঅ রাজা ন-পায়।

১ বংশধর 29:28

তে ভালোক্‌ বজর বাঁজি থেইনে ধন আর সর্মান পেইনে লুঙুরো বুড়ো বয়জত্‌ মুরি গেলঅ। তার্‌ পুয়ো শলোমনে তা জাগানত্‌ রাজা অলঅ।

২ বংশধর 1:11

সেক্কে গোজেনে শলোমনরে কলঅ‌, “তঅ মনর্‌ আওজ্‌সান দোল্‌। তুই ধন, সোম্বোত্তি, সর্মান বা শত্রুগুনোর মরণ ন-চাজ্‌, এমন্‌ কি, ভালোক্‌ বজরর্‌ আয়ূ ন-চাজ্‌। তাত্তুন্‌ বরং মর্‌ যে মানুচ্চুনো উগুরে মুই তরে রাজা বানেয়োং তারারে শাজন্ গুরিবাত্তে তুই জ্ঞান আর বুদ্ধি চেইয়োচ্‌।

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গীতসংহিতা 73:7

অমকদ পক্তায় তারার চোগ্‌কুন নিগিলি এচ্চ্যে; তারার মন কুজুরোমিগানি উগুরি পড়ের্।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:13

বেলান তলেদি মুই এক্কান্ অমকদ দুঘোর্ বেপার দেখ্যং-তাগোয়্যেবো বোউত্ ধন থুবেই রাগায় মাত্তর্ যেরেদি তার্ খেতি অয়।

উপদেশক 5:16

ইয়েন্অ এক্কান্ অমদক দুঘোর্ কধা, মানুচ্ যেধোক্ক্যেন্ গুরি এজন্ সেধোক্ক্যেন্ গুরি যান্; সিয়েনর্ লাভ্‌পান কি? তে দঅ বোইয়্যেরানত্তে কাম্ গরে।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 5:19

ইয়েনি বাদেয়ো যেক্কে গোজেনে কনঅ মান্‌জ্যরে ধন-সোম্বোত্তি দে সেক্কে তারে সিয়েনি ভোগ্ গুরিবাত্তে দে, তার্ নিজোত্তে এক্ ভাগ্ গুজি লবাত্তে দে আর নিজো কামত্ ফুত্তি গুরিবাত্তে দে। ইয়েনি বেক্কানি গোজেনর্ দান।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

আবিলেচ্ 5:2

আমা ভাগর্ সোম্বোত্তিগানি বিদেশীগুনো আঢত্ দিয়্যে ওইয়্যে, আর ঘরানি দিয়্যে ওইয়্যেদে নানান্ জাদর মানুচ্চুনোরে।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

হোশেয় 7:9

বিদেশীগুনে তা বলানরে বল্‌‌‌‌‌‌‌‌পোজ্যে গুরি দুয়োন, মাত্তর্ তে সিয়েন বুঝি ন-পারের্। তা মাঢাত্ চুলানি ইন্দি-উন্দি পাক্যে, মাত্তর্ তে সিয়েনি খিয়েল্ ন-গরের্।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:43

তমা ভিদিরে বজত্তি গোজ্যে অন্য জাদর মানুচ্চুনে তমা উগুরে উদিবাক আর তুমি লামিবা তারার তলেন্দি।

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”