উপদেশক 6:12 - Chakma Bible

¹² মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 6:12 Iomraidhean Croise

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

ইয়োব 14:2

তে ফুলো ধোক্ক্যেন্ ফুদি উদে সে পরেদি শুগেই যায়; তে ছাবা ধোক্ক্যেন্ আধি যায়, আর ন-থায়।

ইয়োব 14:21

তা পূঅগুনে সর্মানি অলে তে হবর্‌ ন-পায়; তারা অসর্মানি অলেয়ো তে সিয়েনি ন-দেগে।

ইয়োব 8:9

আমি দঅ গেল্যেকেল্যে জর্মেয়্যেই, কিচ্ছু হবর্‌ ন-পেই; পিত্‌থিমীর্‌ উগুরে আমা দিনুন্‌ ছাবা ধোক্ক্যেন্‌ যাদন্‌।

গীতসংহিতা 102:11

মঅ দিনুন্ বেল্যেমাদান ছাবা ধোক্ক্যেন ওই যেয়োন্; ঘাস ধোক্ক্যেন মুই শুগেই যাঙর্।

গীতসংহিতা 109:23

বেল্যেমাদান্ ছাবা ধোক্ক্যেন মুই মিলেই যাঙর্; পিরিঙো ধোক্ক্যেন মরে ঝাড়ি দিয়্যে ওইয়্যে।

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 16:5

লগেপ্রভু, তুয়ই মর্ সোম্বোত্তি; তুয়ই মর্ তিরেজর্ পানি। মঅ ভাগ্যগান্ তঅ আঢত্ আঘে।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 47:4

তেয়ই আমা সোম্বোত্তিগানি বেঈ রাগেয়্যে; সিয়েন তার্ কোচ্‌পানার মানুচ্ যাকোবর বার্‌বো গুরিবার কধা।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

উপদেশক 10:14

বুদ্ধি নেইয়্যেগুনে বোউত্ কধা কন্, মাত্তর্ কি অবঅ সিয়েন্ কনজনে হবর্ ন-পান্, আর আগামিদি কি ঘুদিবো সিয়েন্ মান্‌জ্যরে কন্না কোই দি পারিবো?

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 6:11

যেদক্ বেশ্ কধা কুয়ো অয় সেদক্ বেশ্ ভান্ন্যেয়ানি বাড়ে, আর সেক্কে মান্‌জ্যর্ কি লাভ্ অয়?

উপদেশক 7:15

মর্ এ বাহ্‌জে জিংকানিত্ মুই দেখ্যংগে, এক্কো গম্ মান্‌জ্যে তা গমান্দোই শেজ্ ওই যায়, আর এক্কো পাজি মান্‌জ্যে তা পাজিগানিলোই ভালোক্ দিন বাঁজি থায়।

উপদেশক 8:13

মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।

উপদেশক 8:7

কিত্যে কনঅ মান্‌জ্যে যেক্কে হবর্ ন-পায় কি ঘুদিবো সেক্কে কনজনে তারে কোই ন-পারন্ কক্কেনে সিয়েন্ ঘুদিবো।

উপদেশক 9:6

তারার্ কোচ্‌পানা, ঈচ্ গরানা আর ইংসে গরানা আগেদি থুম্ ওই যেইয়্যে; বেলান তলেদি যিয়েনি ঘুদিবো সেক্কে তারার্ আর কনঅ ভাগ্ ন-থেবঅ।

উপদেশক 9:9

বেলান তলেদি গোজেনে তরে এ কয়েক্কো দিন দিয়্যে, তঅ জিংকানির্ সে দিনুন্ তঅ মোক্কো, যিবেরে তুই কোচ্‌পাজ, তা সমারে হুজিয়ে-রাজিয়ে কাঢা, কিত্তে বেলান তলেদি তর্ জিংকানিগান আর তর্ দুঘে কাম্ গরানা ভিদিরে ইয়েনই তর্ পাওনা।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

যাকোব 4:14

মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।