উপদেশক 5:5 - Chakma Bible

⁵ মানত্ গুরিনে সিয়েন্ ন-ছিড়েনাত্তুন্ বরং মানত্ ন-গরানা গম্।

উপদেশক 5:5 Iomraidhean Croise

গম্ উপদেজ্ 20:25

ভাবি ন-চেইনে যাদিমাদি লগেপ্রভুর নাঙে কন কিজু মানানা মান্‌জ্যত্তে ফাল্ অয়।

লেবীয় 5:4

উজিয়ার ন ওইনে শমক্‌ হেই পারে এধোক্ক্যেন কনঅ পৌইদ্যেনে কনজনে যুনি চিদে-চজ্জা ন-গুরিনে গম-ভান্ন্যেই কিজু গুরিবার্‌ শমক্‌ হেই থান্‌ ছালে সিয়েন্‌ হবর্ ন-পেইনে গুরিলেয়ো সিয়েন্‌ জানিবার্‌ পরেদি তে দুষি অবঅ।

যোনা 2:9

মাত্তর্ মুই ভালেদির্ গীদ্ গেইনে তঅ নাঙে য়েমান উৎসর্ব গুরিম। মুই যে মানত্তান্ গোজ্যং সিয়েন পূরোণ গুরিম। উদ্ধোর গরানা লগেপ্রভুর কাম।”

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

প্রেরিত্‌ 5:4

বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।”

দ্বি’লম্বর বিররণ 23:21

তমার গোজেন লগেপ্রভু ইদু যুনি তুমি কনঅ মানত্‌ গরঅ সালে সিয়েন্‌ ছিরেদে দেরী ন-গোজ্য, কিত্যে তমা গোজেন লগেপ্রভু কনদিনঅ সিয়েন্ ইরি ন-দিবো। সিয়েন্‌ ন-ছিড়েলে তমার্‌ পাপ্‌ অবঅ;

দ্বি’লম্বর বিররণ 23:22

মাত্তর্‌ মানত্‌ ন-গুরিলে পাপ ন-অবঅ।

বিচের গুরিয়্যেগুন 11:35

যিপ্তহ ঝিবোরে দেগিনেই তা কাবড়ান ফাদি ফেলেল, “ হায় হায়, মঅ ঝিবো, তুই ইয়েন কি অবস্থা গুরিলে! তুই মরে অমহদ দযাত্ ফেলেলে, কিত্তেই মুই লগেপ্রভুর ইদু এন্‌ এক্কান তবনা গোজ্যং যিয়েন মর্‌ পক্ষে ভাঙানা সম্ভব নয়।”