উপদেশক 5:2 - Chakma Bible

² তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

উপদেশক 5:2 Iomraidhean Croise

পত্থম 18:27

অব্রাহামে কলঅ, “চাহ্‌, মুই ধূল্যে আহ্ ছেই ছাড়া আর কিচ্ছু নয়, তো মুই ন-দোরেনে মঅ প্রভুর্‌ লগে কধা কঙর্‌।

পত্থম 18:30

অব্রাহামে কলঅ, “মর্‌ প্রভু যেনে মঅ কধালোই বেজার্‌ ন-অয়। আচ্চা, যুদি সিয়েনত্‌ ত্রিশজনরে পাহ্ যায়?” তে কলঅ, “যুদি মুই ত্রিশ জনরেয়ো সিয়েনত্‌ পাং সালে মুই সিয়েন্‌ ভস্ত ন-গুরিম্‌।”

পত্থম 18:32

সেক্কে অব্রাহামে কলঅ, “মর্‌ প্রভু যেনে বেজার্‌ ন-অয়্‌, মুই আর বানা একবার্‌ কঙর্‌, যুদি সিয়েনত্‌ দশ্‌ জনরেয়ো পাহ্ যায়?” তে কলঅ, “সে দশ্‌জনত্তে মুই‌ সিয়েন্‌ ভস্ত ন-গুরিম্‌।”

পত্থম 28:20

ইয়েন পরেদি যাকোবে শমত্‌ খেইনে কলঅ, “যুদি গোজেনে মর্‌ এ যাত্রাবোত্‌ মরে রোক্ষ্যে গরে, যুদি তে মরে হেবার-উরিবার্‌ যোগেই দে,

পত্থম 28:22

ইবে যে পাত্তর্‌বো মুই থুনি ধোক্ক্যেন গুরি ঠিয়েই রাগেলুং ইয়োদোই অবঅ গোজেন ঘর। ও গোজেন, তুই মরে যিয়েনি দিবে সিয়েনির দশ্‌ ভাগর্‌ এক ভাগ হামাক্কায় মুই তরে ফিরেই দিম্‌।”

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গম্ উপদেজ্ 10:19

বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 20:25

ভাবি ন-চেইনে যাদিমাদি লগেপ্রভুর নাঙে কন কিজু মানানা মান্‌জ্যত্তে ফাল্ অয়।

উপদেশক 10:12

জ্ঞানী মান্‌জ্যর মুয়োর্ কধাত্ দোয়্যে থায়, মাত্তর্ ভুলো তা মুয়োর্ কধালোই নিজোরে ভস্ত গরে।

উপদেশক 10:13

তা কধা কনার্ আরাম্ভত্ আগেদে ভুল্, যেরেদি আগেদে পুরোপুরি বিচেরবুদ্ধি নেইয়্যেগান্।

উপদেশক 5:3

চিদে-চজ্জা বেশ্ থেলে মান্‌জ্যে যেধোক্ক্যেন্ স্ববন্ দেগন্ সেধোক্ক্যেন্ বেশ্ কধা কলে ভুলানি নিগিলি এজে।

উপদেশক 5:7

বেশ্ স্ববন দেগানা আর বেশ্ কধা কনা বাহ্‌জে, মাত্তর্ তুই গোজনরে ভোক্তিগুরিনে দরা।

যিশাইয় 55:9

দেবাবো যেধোক্ক্যেন পিত্‌থিমীত্তুন বোউত্ অজলত্, সেধোক্ক্যেন মঅ পথ্‌তান তমা পথ্‌তানত্তুন, মর্ চিদে চজ্জানি তমা চিদে চজ্জাত্তুন্ বোউত্ দাঙর্।‍‌‌‍‍‍‍‍‍

লেবীয় 5:4

উজিয়ার ন ওইনে শমক্‌ হেই পারে এধোক্ক্যেন কনঅ পৌইদ্যেনে কনজনে যুনি চিদে-চজ্জা ন-গুরিনে গম-ভান্ন্যেই কিজু গুরিবার্‌ শমক্‌ হেই থান্‌ ছালে সিয়েন্‌ হবর্ ন-পেইনে গুরিলেয়ো সিয়েন্‌ জানিবার্‌ পরেদি তে দুষি অবঅ।

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

মার্ক 6:23

হেরোদে ঝিবোরে শমক্ হেইনে কলঅ, “তুই যিয়েন চাজ্ মুই সিয়েনই তরে দিম্। এমন্ কি, মঅ রেজ্যর্ অদ্দেক্অ দিম্।”

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

বিচের গুরিয়্যেগুন 11:30

যিপ্তহ ইয়েন কোইনে লগেপ্রভুর ইদু এক্কান তবনা গুরিলো, “তুই যুনি মঅ আদত্‌ অম্মোনীয়গুনোরে তুলি দুয়োচ্‌ সালে অম্মোনীয়গুনোর লগে যুদ্ধোত্‌ জিদিনেই ফিরি এবার সময়োত্‌ যে মরে আগ্‌বারেই নিবাত্তে ঘরত্তুন্‌ দোরোর বারেন্দি এবঅ তেয়ই লগেপ্রভুর অবঅ। তারে দিইনে মুই এক্কান পুজ্যে-উৎসর্বর অনুষ্ঠান গুরিম্‌।”