উপদেশক 5:13 - Chakma Bible

¹³ বেলান তলেদি মুই এক্কান্ অমকদ দুঘোর্ বেপার দেখ্যং-তাগোয়্যেবো বোউত্ ধন থুবেই রাগায় মাত্তর্ যেরেদি তার্ খেতি অয়।

উপদেশক 5:13 Iomraidhean Croise

পত্থম 14:16

লুদেয়্যে বেক্‌ পযাপিরানি তে ফিরেই আনিলো আর তা ভেইপুত্‌ লোটরে তার ধন-সোম্বোত্তি সুমুত্তো উদ্ধোর গুরিলো। সে লগে বেক্‌ মিলেগুনোরে আর অন্য মানুচ্চুনোরেয়ো উদ্ধোর গুরি আনিলো। মল্কীষেদকে অব্রামরে বর্ দিলো।

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 19:26

লোট মোক্কো লোট পিজেদি ওইনে পিচ্ছো ফিরি চেলঅ, আর সেনে তে নুনোর এক্কো থুনি ওই গেলঅ।

ইয়োব 20:20

“তে আমিঝে লুভ্‌ গরে, সেনত্তে তে কিচ্ছু রোক্ষ্যে গুরি ন-পারিবো।

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

গম্ উপদেজ্ 1:32

ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 23:4

ধন পেবাত্তে হিজে-হিচ্যে ন-ওইয়ো; এ পৌইদ্যেনে তঅ বুদ্ধিগান উগুরে বিশ্বেজ্ ন-গুরিচ্।

গম্ উপদেজ্ 27:24

কিত্তে ধনান্ জিংকানিবর্ নয়, আর মুকুট্‌তো বংশর পর বংশ টিগি ন-থায়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:14

কনঅ দজাত্ পুরিনে সিয়েনি শেজ্ ওই যায়। সেনত্তে তা পুয়োবোত্তে কিচ্চু ন-থায়।

উপদেশক 8:9

বেলান তলেদি যিয়েনি গরা অয় সিন্দি মনযোগ্ দিইনে মুই দেগিলুং, এক্কো মান্‌জ্যে অন্যগুনো উগুরে সদ্দারি গঙায় আর সিয়েনত্তে তারার্ ক্ষোতি অয়।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”