উপদেশক 5:10 - Chakma Bible

¹⁰ যে মানুচ্চো টেঙা-পোইজ্যে কোচ্‌পায় তার কনদিন্অ যগাজ্যে ওইয়্যে বিলিনে মনে ন-অয়। যে মানুচ্চো ধন-সোম্বোত্তি কোচ্‌পায় তে তার ইনকাম্বোই কনদিন্অ হুজি ন-অয়। ইয়েন্অ বাহ্‌জে।

উপদেশক 5:10 Iomraidhean Croise

গীতসংহিতা 52:1

ও বোলীবন্ধ যোদ্ধা, কিত্তেই তুই ভান্ন্যেই বেপারানিলোই বার্‌বো গরর্? গোজেনর অমকদ কোচ্‌পানার দঅ শেজ্ নেই।

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

উপদেশক 1:17

সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 1:8

বেক্কানি ঘুরি ঘুরি এজে আর বল্‌পোজ্যে অয়; সে পৌইদ্যেনে কবার্ কধা কারর্ নেই। চোগ্‌কুনে যেদক্ দেগিদাক্ সাৎ আরঅ দেগিবাত্তে চায়, কানানিয়ে যেদক্ শুনিদো সাৎ আরঅ শুনিবাত্তে চায়।

উপদেশক 2:10

মঅ চোগেদি যিয়েন্ গম্ লাগিদো মুই সিয়েনই গুজি লদুং; মুই নিজোরে বেক্ রঙ্গ-ফুত্তিগানি গুরিবাত্তে দিদুং। মর্ বেক্ কামানি ইদু মঅ মনানে হুজি অদঅ, আর ইয়েনই এলঅ মর্ বেক্ কামানির্ বক্‌শিজ্।

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 4:16

আগে এ গাবুজ্যে রাজাবোর্ বোউত্ মানুচ্ এলাক্ যিগুনো উগুরে তে রাজাগিরি গোজ্যে, মাত্তর্ সে পরেদি মানুচ্চুনে তা উগুরে হুজি ন-এলাক্। ইয়েন বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:9

তো চায্ গরেদে ভূইয়ানি রোক্ষ্যে গুরিবাত্তে এক্কো রাজা থেলে দেজর্ সুবিধে অয়।

উপদেশক 6:7

মান্‌জ্যর বেক্ কাম্ গরানাগানি তারার্ পেদত্তে, তো তার্ পেট্ পুরোনা কনদিন্অ মন্ ন-ভরে।

মথি লেখ্যে গম্ হবর্ 6:19

এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।