উপদেশক 4:12 - Chakma Bible

¹² মানুচ্ গায় গায় অলে সহজে উদিই যেই পারন্, মাত্তর্ দ্বিজন্ অলে নিজোরে রোক্ষ্যে গুরি পারন্। তিনেন্ দুড়ি একসমারে পাগেয়্যে অলে যাদিমাদি ন-ছিনে।

উপদেশক 4:12 Iomraidhean Croise

২ শমূয়েল 23:16

এ কধাগান শুনিনে সে তিন্নো বোলী মান্‌জ্যে পলেষ্টীয় সৈন্যগুনো ভিদিরেন্দি যেইনে বৈৎলেহমর গেদো কায়-কুরে কূয়োবোত্তুন্‌ পানি তুলিনে দায়ূদো ইদু নেযেলাক্। মাত্তর্‌ দায়ূদে সিয়েন ন-হেলঅ; সিয়েনর বদলে তে সে পানিগান লগেপ্রভুর নাঙে মাদিত্‌ ঢালি দিলো।

২ শমূয়েল 23:23

সে তিন্নো ভিদিরে তারে ধরা ন-অলেয়ো তে “ত্রিশ” নাঙে দল মানুচ্চুনোত্তুন্‌ বেশ্‌ সর্মান পেইয়্যে। দায়ূদে তার কিয়্যে রোক্ষ্যেগুরিয়্যেগুনোর্‌ ভারান্‌ বনায় উগুরে দিলো।

২ শমূয়েল 23:9

সে পরেন্দি মানুচ্চো অলদে ইলিয়াসর। তে এলদে অহোহীয়র বংশর দোদার পূঅ। যেক্কে পলেষ্টীয়গুনে যুদ্ধোত্তে এগত্তর্‌ ওইয়োন সেক্কে তারারে ঈচ্ গুরিবাত্তে যে তিন্নো বোলী মানুচ্‌ দায়ূদো লগে এলাক্ ইলিয়াসর অলদে তারাত্তুন্‌ এক্কো বোলী। ইস্রায়েলীয়গুনে পিজেন্দি উদি গেলাক্,

উপদেশক 4:11

ইয়েন্ বাদেয়ো দ্বিজন্ এক সমারে পড়ি থেলে কিয়্যেগান্ গরম্ অয়, মাত্তর্ একজনর কেধোক্ক্যেন্ গুরিনে গরম্ অবঅ?

উপদেশক 4:13

এক্কো বুড়ো ভুল্ বেদমা রাজা, যিবে আর সল্লা পেবাত্তে ন-চায় তাত্তুন্ বরং এক্কো নাঢা মানুচ্ অদচ বুদ্ধিবলা গাবুজ্যে পুয়ো গম্।

ইফিষীয় 4:3

যে শান্তিগানে আমারে একসমারে এগত্তর্ গোজ্জ্যে সেই শান্তিগান্দোই সুদ্ধো-সাংগ আত্মাগানে দিয়্যে যদা অনাগান্ রোক্ষ্যে গুরিবাত্যে জদবদে চেট্ট্যা গরঅ।