উপদেশক 3:7 - Chakma Bible

⁷ ফাদি ফেলেবার্ সময় আর সিলেবার্ সময়, জুরো গুরি থেবার্ সময় আর কধা কবার্ সময়,

উপদেশক 3:7 Iomraidhean Croise

পত্থম 37:29

পরেদি রূবেণে সে গাত্তো ইধু যেইনে যোষেফরে ন-দেগিনে দুগে তা কাবড়ান ফাদি ফেলেইনে ভেইয়ুনো মুজুঙোত যেইনে কলঅ, “যোষেফে দঅ সে গাদ্‌তোত্‌ নেই। মুই ইক্কিনে কি গুরিম?”

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

পত্থম 44:18

সেক্কে যিহূদা যোষেফ ইধু উজেই যেইনে কলঅ, বাবু, তুই ফরৌণ জাগানত্‌ আগচ্‌, সেনত্তে তঅ চাগর্‌বোরে তঅ মুজুঙোত্‌ দু-এক্কান কধা কবাত্তে উগুম দে। তঅ চাগর্‌বো উগুরে তুই রাগ্‌ ন-গুরিচ্‌।

পত্থম 44:34

এ পুয়োবোরে ন-নেযেইনে মুই কিঙিরিনে মঅ বাপ্পো ইধু ফিরি যেম্‌? সিয়েন গুরিলে তার্‌ দুঃখান্ মর্‌ নিজোর্‌ চোগেদি দেগা পুড়িবো।”

২ শমূয়েল 1:11

এ কধাগান শুনিনে দায়ূদ আহ্‌ তা সমারে এলাক্কে মানুচ্চুনে নিজো কাবড়ানি ফাদিলাক্‌।

২ শমূয়েল 3:31

ইয়েনর্ পরেন্দি দায়ূদ যোয়াব আর তা সমারে বেক্‌ মানুচ্চুনোরে কলাক্, “তুমি যার্‌ যার্‌ কাবড়ানি ফাদিনে বস্তাফাদা উরো আর আবিলেচ্‌ গত্তে গত্তে অব্‌নেরর্‌ মরাকিয়্যেগানর্ আগলত্যা আগলত্যা আঢঅ।” মরাকিয়্যেগান বুয়োই নেযেবার খাট্‌তানর পুনে পুনে রাজা দায়ূদে নিজেয়ো আঢিলো।

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

২ রাজাবলী 18:36

মাত্তর্‌ মানুচ্চুনে অলর্ গুরি থেলাক্‌, কনঅ জোব্ ন-দিলাক্‌, কিত্তে রাজা হিষ্কিয় কনঅ জোব্‌ ন-দিবাত্তে তারারে মানা গোজ্যে।

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”

২ রাজাবলী 6:30

মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

ইষ্টের 7:4

কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

ইয়োব 2:13

সে পরেন্দি তারা সাত দিন আর সাত রেত্‌ সং তা সমারে মাদিত্‌ বজিনে থেলাক্‌। তারা ভিদিরেত্তুন্‌ কনজনে তারে কিচ্ছু ন-কলাক্‌, কিত্তেই তা দুঘ্‌কান যে জদবদে সিয়েন তারা দেগদন।

গীতসংহিতা 39:2

মাত্তর্ মুই মুয়োন্ বন্দ গুরিনে অলর্ গুরি রলুং, যিয়েন গম্ সিয়েন্‌অ ন-কলুং, এধোক্কেন্ গুরি মনর্ দুখ্‌কান্ বাড়িলো।

উপদেশক 3:6

তোগেইনে পেবার্ সময় আর আরেবার্ সময়, রাগেবার্ সময় আর ফেলেই দিবার্ সময়,

যিশাইয় 36:21

মাত্তর্ মানুচ্চুনে অলর্ গুরি থেলাক্, কনঅ জোব্ ন-দিলাক্, কিত্তে রাজা হিষ্কিয় কনঅ জোব্ দিবাত্তে তারারে মানা গোজ্যে।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

আবিলেচ্ 3:28

লগেপ্রভু সে জুঙোলান্ তা উগুরে দিয়্যে, সেনত্তে তে গায় গায় অলর্ গুরি বোই থোক্।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

আমোষ 5:13

সেনত্তে এবাবোত্যে সময়োত্ বুদ্ধিবলা মানুচ্ জুরো গুরি থায়, কিত্যেই সময়ান ভান্ন্যেই।

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

প্রেরিত্‌ 9:39

সেক্কে পিতরে তারা সমারে গেলঅ। তে সিধু লুমোনার্ পরেদি সে উগুরে গুদিবোত্ তারে নেযা অলঅ। বেক্‌ রানি মিলেগুনে সেক্কে পিতর চেরোকিত্ত্যেদি থিয়্যেইনে কানা ধুরিলাক্ আর দর্কা বাঁজি থাগদে যে সিলুমুন আর অন্য কাবর্-চুগোড়ানি বানেয়্যে সিয়েনি পিতররে দেগেলাক্।

১ শমূয়েল 10:16

শৌল তার কুত্তোবোরে কলদে, “তে আমারে আভাংপাং গুরি কোই দিলদে, গাধীগুনোরে পাহ্ যেইয়্যে।” মাত্তর্‌ তার রাজাগিরি গরানা পৌইদ্যেনে শমূয়েল তারে যে কধাগান কোইয়্যে সিয়েনি তে তার কুত্তোবোরে ন-কলঅ।