উপদেশক 3:4 - Chakma Bible

⁴ কানিবার্ সময় আর হা্‌জিবার্ সময়, আবিলেচ্ গুরিবার্ সময় আর নাজিবার্ সময়,

উপদেশক 3:4 Iomraidhean Croise

পত্থম 21:6

সারা কলঅ, “গোজেনে মর্‌ মুয়োনত্‌ আজি ফুদেই দিলো, আর সে কধাগান শুনিনে অন্যগুনো মুয়োদ্‌অ আজি ফুদিবো।”

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

উপদেশক 3:5

পাত্তর্ মারিবার সময় আর সিগুনোরে এগত্তর্ গুরিবার্ সময়, কোচ্‌পেইনে আজাবোধে ধুরিবার্ সময় আর আজাবোধে ন-ধুরিবার্ সময়,

উপদেশক 7:14

সুগো দিনোত্ সুগি অ; মাত্তর্ দুঘোর্ দিনোত্ এ কধাগান্ চিদে গুরি চাহ্, গোজেনে যেধোক্ক্যেন্ সুগে রাগেয়্যে সেধোক্ক্যেন্ দুঘোত্অ রাগেয়্যে, যেনে মান্‌জ্যে তা ভবিচ্চদর্ কনঅ কিজু হবর্ ন-পান্।

যিশাইয় 40:1

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

মথি লেখ্যে গম্ হবর্ 11:17

‘আমি তমাত্তে বাজানা বাজেলং, তুমি ন-নাজিলা; আবিলেজর্ গান্ গেলং, তুমি বুগ্ ন-চাবেড়েলা।’

মথি লেখ্যে গম্ হবর্ 9:15

যীশু তারারে কলঅ, জামেই সমারে থাগদে কি জামেইঅ সমারে মানুচ্চুনে দুঘো কধা কোই পারন্? মাত্তর্ সময় এজের্ যেক্কে জামেইয়রে তারা কায়-কুরেত্তুন্ নেযা অবঅ। সে সময়ত্ তারা উবোস্ থেবাক্।

লূকে লেখ্যে গম্ হবর্ 1:58

তা উগুরে প্রভুর অমকদ দোয়্যের্ কধানি শুনিনে পাড়াল্যেগুনে আর কুদুম্মোগুনে তা সমারে ফুত্তি গরা ধুরিলাক্।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

যাকোব 4:9

দুঘে ভাঙি পরঅ আর আবিলেচ্ গুরিনে কানঅ। তমা আজানার্ বদলে আবিলেচ্ গরঅ আর হুজীর বদলে দুঘ্ গরঅ।