উপদেশক 3:22 - Chakma Bible

²² সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 3:22 Iomraidhean Croise

ইয়োব 14:21

তা পূঅগুনে সর্মানি অলে তে হবর্‌ ন-পায়; তারা অসর্মানি অলেয়ো তে সিয়েনি ন-দেগে।

উপদেশক 10:14

বুদ্ধি নেইয়্যেগুনে বোউত্ কধা কন্, মাত্তর্ কি অবঅ সিয়েন্ কনজনে হবর্ ন-পান্, আর আগামিদি কি ঘুদিবো সিয়েন্ মান্‌জ্যরে কন্না কোই দি পারিবো?

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

উপদেশক 2:18

বেলান তলেদি যে জিনিস্‌চানি পৌইদ্যেনে মুই কাম্ গোজ্যং সিয়েনিরে ইক্কিনে মুই ঈচ্ গরা ধুরিলুং, কিত্তে মঅ পরেদি যে এবঅ তাত্তেই দঅ সিয়েনি থোই যাহ্ পুরিবো।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 7:14

সুগো দিনোত্ সুগি অ; মাত্তর্ দুঘোর্ দিনোত্ এ কধাগান্ চিদে গুরি চাহ্, গোজেনে যেধোক্ক্যেন্ সুগে রাগেয়্যে সেধোক্ক্যেন্ দুঘোত্অ রাগেয়্যে, যেনে মান্‌জ্যে তা ভবিচ্চদর্ কনঅ কিজু হবর্ ন-পান্।

উপদেশক 8:15

সেনত্তে মুই জিংকানিত্ রঙ্গ-ফুত্তিত্ বাঈনী গোজ্যং, কিত্তে বেলান তলেদি হানা-দানা আর ফুত্তি গরানা বাদে মান্‌জ্যত্তে গম্ আর কিচ্চু নেই। সালে বেলান তলেদি গোজেনর্ দিয়্যে মান্‌জ্য জিংকানির্ বেক্ দিনুনোত্ তা কামত্ ফুত্তিগান্ অবদে তার্ সমাজ্যে।

উপদেশক 8:7

কিত্যে কনঅ মান্‌জ্যে যেক্কে হবর্ ন-পায় কি ঘুদিবো সেক্কে কনজনে তারে কোই ন-পারন্ কক্কেনে সিয়েন্ ঘুদিবো।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

উপদেশক 9:6

তারার্ কোচ্‌পানা, ঈচ্ গরানা আর ইংসে গরানা আগেদি থুম্ ওই যেইয়্যে; বেলান তলেদি যিয়েনি ঘুদিবো সেক্কে তারার্ আর কনঅ ভাগ্ ন-থেবঅ।

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

মথি লেখ্যে গম্ হবর্ 6:34

কেল্যের্ চিন্তেগান কেল্যে উগুরে ছাড়ি দুয়ো। দিনো দুঘ্‌কান্ দিনোত্তে যগাজ্যে।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 28:47

সুদিনোত্‌ খুজি মনে আর খুজি সমারে তমার গোজেন লগেপ্রভুরে সেবা ন-গরানার কারনে হানা-উরোনার অভাব, পানি খাস্‌ আর অমকদ অভাব ভিদিরে তুমি সে বেক্‌ শত্রুগুনোরে সেবা গুরিবা যিগুনোরে লগেপ্রভু তমার বিরুদ্ধে পাধেই দিবো। তে তমার গত্তনাত্‌ লুয়োর জুঙোল্‌ চাপি রাগেব যেদক্কন সং তুমি শেজ্‌ ওই ন-যঅ।