উপদেশক 3:19 - Chakma Bible

¹⁹ কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 3:19 Iomraidhean Croise

২ শমূয়েল 14:14

মাদিত্‌ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্‌ গোজেনে পরাণান্‌ কাড়ি ন-নেযায় বরং তে এমন্‌ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্‌ দূরোত্‌ ন-থান্।

গীতসংহিতা 104:29

তুই মুয়োন লুগেলে তারা দরান্; তুই তারার জিংকানি-বোইয়্যেরান্ নেযেলে তারা মুরি যান, আরঅ তারা ধূল্যে ওই যান্।

গীতসংহিতা 49:12

মাত্তর্ মানুচ্ তাগোয়্যে-মানীবলা অলেয় উমরত্যে নয়; তে য়েমানুনো ধোক্ক্যেন্ ভস্ত ওই যেবঅ।

গীতসংহিতা 49:13

যিগুনে নিজো উগুরে নির্ভর গরন, আর তারার পরেন্দি যিগুনে তারার্ কধালোই চলন্, তারার্ দজায়ো সেধোক্ক্যেন্ অবঅ।

গীতসংহিতা 49:20

মানুচ্ তাগোয়্যে-মানীবলা অলেয়ো গোজেনরে বুঝি ন-পারন্; তে য়েমান ধোক্ক্যেন্ ভস্ত ওই যেবঅ।

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:17

সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 2:14

জ্ঞানী মান্‌জ্যর চোগ্ আঘে, মাত্তর্ ভুলো আন্ধারত্ আঢাউদো গরে; মাত্তর্ মুই ইয়েনই বুঝিলুং, সে দ্বিজনর্ শেজ্ দজাগান্ এক্কুই।

উপদেশক 2:16

মান্‌জ্যে ভুলোরে যেধোক্ক্যেন্ মনত্ ন-রাগান্ সেধোক্ক্যেন্ জ্ঞানীবলারেয়ো বেশ্ মনত্ ন-রাগান্; আগামিদি এ দ্বিজনরে মান্‌জ্যে ভুলি যেবাক্। ভুলো যেধোক্ক্যেন্ মুরি যায় জ্ঞানী মানুচ্চোয়ো সেধোক্ক্যেন্ গুরি মুরি যায়।

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

উপদেশক 9:2

বেক্কুনোর্ শেজ্ অবস্থাগান্ এক্কুই-তে গম্ ওক্ বা পাজি ওক্ আর সিজি ওক্ বা অসিজি ওক্, উৎসর্বর পরব্ গোরোক্ বা ন-গোরোক্। গম্ মান্‌জ্যত্তে যেধোক্ক্যেন্, পাপীত্তেও সেধোক্ক্যেন্; যিগুনে শমক্ খান্ তারাত্তে যেধোক্ক্যেন্, যিগুনে সিয়েন গুরিবাত্তে দরান্ তারাত্তেও সেধোক্ক্যেন্।

গণাণা 16:29

এই বেক্‌ মানুচ্চুনোর যুনি স্বাভাবিক মরণ অয়, আর অন্য মানুচ্চুনোর যেধোক্ক্যেন অয় সেধোক্ক্যেন্‌ যুদো গুরি কিচ্ছু ন-অয় সালে বুঝো পুরিবো লগেপ্রভু মরে ন-পাদায়।