উপদেশক 3:13 - Chakma Bible

¹³ ইয়েন গোজেনর্ দান, বেক্ মানুচ্চুনে হানা-দানা গুরিবাক্ আর তার বেক্ কামানিত্তে হুজি অবাক্।

উপদেশক 3:13 Iomraidhean Croise

গীতসংহিতা 128:2

তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 34:12

তমা ভিদিরে কন্না এ জিংকানিগান ভোগ গুরিবাত্তে চায়? সুগ্ ভোগ গুরিবাত্তে কন্না ভালোক্ দিন বাঁজি থেবাত্তে চায়?

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

উপদেশক 6:2

গোজেনে কনঅ মান্‌জ্যরে এদক্ ধন, সোম্বোত্তি আর সর্মান দান গরেদে যে, তার্ চাইদ্যে ধোক্ক্যেন্ আর্ কিচ্চু ন-থায়, মাত্তর্ গোজেনে তারে সিয়েনি ভোগ্ গুরিবার খেমতা ন-দে, অন্য একজনে সিয়েনি ভোগ্ গুরিবো। ইয়েন বাহ্‌জে, ইয়েন অমকদ দুঘো কধা।

উপদেশক 8:15

সেনত্তে মুই জিংকানিত্ রঙ্গ-ফুত্তিত্ বাঈনী গোজ্যং, কিত্তে বেলান তলেদি হানা-দানা আর ফুত্তি গরানা বাদে মান্‌জ্যত্তে গম্ আর কিচ্চু নেই। সালে বেলান তলেদি গোজেনর্ দিয়্যে মান্‌জ্য জিংকানির্ বেক্ দিনুনোত্ তা কামত্ ফুত্তিগান্ অবদে তার্ সমাজ্যে।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 26:11

তমার আর তমার গিরিবোরে তমার গোজেন লগেপ্রভু যেদক্কানি গম্‌ গম্‌ জিনিস দিইনে আশিদ্‌বাদ গোজ্যে সিয়েনি লোইনে তুমি, লেবীয়গুনে আর তমা ভিদিরে বিদেশী বাসিন্দাগুনে ফুত্তি গুরিবা।