উপদেশক 2:8 - Chakma Bible

⁸ মুই বোউত্ সনা-রুবো আর অন্য রাজাগুনোর্ আর নানান্ রেজ্যর্ ধন-সোম্বোত্তি আনিনে থুবেলুং। মুই বোউত্ গান গেইয়্যে মিলে-মরদ আর মরদরে ফুত্তি দিয়্যে বোউত্ লাঙনি পেলুং।

উপদেশক 2:8 Iomraidhean Croise

২ শমূয়েল 19:35

মর্‌ বয়স ইক্কিনে আশি বজর। কুবোন্‌ গম্‌ আহ্ কুবোন বজং সিয়েন কি ইক্কিনে আর্ মুই কোই পারং? তঅ চাগর্‌ মুই ইক্কিনে যিয়েনি হাং সিয়েনি সুয়োত্ কি মুই বুঝি পারং? গান গেইয়্যেগুনোর গানুন্‌ কি মুই এজঅ শুনোং? তঅ এ চাগরবো কিত্তে মঅ গিরোজ মহারাজর্‌ এক্কো অালাদা ঝামেলা ওই থেবঅ?

১ রাজাবলী 10:10

তে রাজারে সাড়ে চের্‌ টনত্তুন্‌অ বেশ্‌ সোনা, ভালোক্কানি তুম্বাজ্‌ মজলা আর মানেক্‌ দিলো। শিবার রাণী রাজা শলোমনরে যেদক্কানি মজলা দিয়্যে সেদক্কানি মজলা আর কনদিনঅ দেজত্‌ আনা ন-অয়।

১ রাজাবলী 10:14

পত্তি বজর্‌ শলোমন ইদু যে সোনাগানি এদঅ সিয়েনির ভরান্ অলদে পেরায় ছাব্বিশ টন।

১ রাজাবলী 10:21

শলোমনর্ পানীয়ো হেবার বেক্‌ পিলেগুন্‌ এলাক্কে সোনার আর লেবানন-বন-কুটিরোর বেক্‌ পিলেগুন্‌অ এলাক্কে গম সোনালোই বানেয়্যে। রূবোর বানেয়্যে কিচ্ছু ন-এলঅ, কিত্তেই শলোমনর্ সময়োত্‌ রূবোর সে বাবোত্যে কনঅ দাম ন-এলঅ।

১ রাজাবলী 11:3

তার্ সাতশ মোক্‌ এলাক্‌, যিগুনে এলাক্‌ রাজপরিবারর্‌ ঝি; ইগুন্‌ বাদেয়ো তার তিনশ দ্বিতীয় ঘর মোক্ এলাক্‌। তা মোক্কুনে তারে ভান্ন্যেই পধেন্দি নেযেয়োন।

১ রাজাবলী 14:27

সেনত্তে রাজা রহবিয়ামে সিয়েনির্‌ বদলে পিদলর্‌ ঢাল বানেল। রাজঘরর্‌ দোরানত্‌ যিদুক্কুন্‌ সৈন্য চুগি দিদাক্‌ তারার্‌ সেনাপতিগুনোর্‌ ইদু তে সিয়েনি রোক্ষ্যে গুরিবার্‌ ভারান্‌ দিলো।

১ রাজাবলী 9:14

হীরম বেক্কানিয়ে সাড়ে চের্‌ টনত্তুনো বেশ্‌ সনা রাজারে পাধেই দিলো।

১ রাজাবলী 9:28

তারা ওফীরোত্‌ যেইনে পেরায় সাড়ে ষুলো টন সোনা আনিনে রাজা শলোমনরে দিলাক্‌।

১ বংশধর 25:1

তবনা-ঘরর্‌ সেবা-কামানি গুরিবাত্তে দায়ূদ আর সৈন্যদল সেনাপতিগুনে আসফ, হেমন আর যিদূথূন পুয়োগুনোরে ফারক্‌ গুরি নেযেলাক্‌ যেনে তারা হারমনি, বাশি আর ঝোন্‌ঝোনি লগে গানর্‌ মাধ্যমে গোজেন কধানি ফগদাং গুরি পারন্‌। যিগুনে এ কামান্‌ গুরিদাক্‌ তারা নাঙানি ইয়েনি:

১ বংশধর 25:6

গোজেন ঘরর সেবা-কামত্তে ইগুনে বেক্কুনে তারার্‌ বাব্‌ আসফ, যিদূথূন আর হেমন পরিচালনার্‌ অধীনোত্‌ এলাক্‌। তারা রাজার উগুমে ঝোন্‌ঝোনি, বাশি আর হার্‌মোনিলোই লগেপ্রভুর ঘরত্‌ গান-বাজনা গুরিদাক্‌।

২ বংশধর 9:11

রাজা সে বেক্‌ চন্দন গাজ্‌চুন্দোই লগেপ্রভুর ঘরর্‌ আর রাজঘরর্‌ সিড়ি আর গান গেইয়্যেগুনোত্তে বীণা আর হার্‌‌মনি বানেল। এর্‌ আগেন্দি এদক্‌ চন্দন গাজ্‌ যিহূদা দেজত্‌ কনদিন্‌অ দেগা ন-যায়।

ইষ্রা 2:65

ইগুনবাদে সাত আজার্ তিনশ সাত্রিশজন চাগর্-চাগরানী আর দ্বিশজন গীত্ গেইয়্যে এলাক্।

উপদেশক 1:2

তে কোইয়্যেদে, “বাহ্‌জে, বাহ্‌জে ধরনর্! কনঅ কিজু থিদেবর্ নয়। বেক্কানি বাহ্‌জে!”

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:5

তুমি যেক্কেনে শিঙা, বাশী, বাজা, চিগোন আহ দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবে সেক্কে মাদিত্ মাঢা নিগিরি পড়িনে রাজা নবূখদ্‌নিৎসরর্ থিদেবর্ গোজ্যে সোনার মূত্তিবোরে জু জু জানেবা।‌‌

দানিয়েল 3:7

সেনত্তে যেক্কে তারা সেই বেক্ বাজানার রগুন্ শুনিলাক্ সেক্কে বেক্ জাদর্, দেজর্ আর ভাষার মানুচ্চুনে মাদিত্ মাঢা নিগিরি পড়িনে নবূখদ্‌‌‌‌নিৎসরর্ থিদেবর্ গোজ্যে সোনার মূত্তিবোরে জু জু জানেলাক্।

আমোষ 6:5

তুমি বীণা বাজেইনে গান গঅ আর দায়ূদো ধোক্ক্যেন নানান্ বাবোত্যে বাজনা বানেই থাগঅ।