উপদেশক 2:6 - Chakma Bible

⁶ মুই নিজোত্তে কয়েক্কো পোর্ বানেলুং যেন গাজ্‌চুনোত্ পানি দিয়্যে যায়।

উপদেশক 2:6 Iomraidhean Croise

নহিমিয় 2:14

সে পরেন্দি মুই পয়নালা-গেদোত্‌ আর রাজার্‌ পূয়োরবোর্‌ ইন্দি উজেই গেলুং; মাত্তর্‌ মুই যে এ্যমান্নো উগুরে চোজ্যং তা সে জাগান ইন্দি যেবাত্তে কনঅ পথ ন-এলঅ।

নহিমিয় 2:8

ইয়েনিবাদেয়ো তে যেনে তার্‌ ঝাড়-চুগিদিয়্যে আসফর ইদু এক্কান্‌ চিদি দে যেনে তে উবোসনা-ঘরর্‌ কায়-কুরে তাম্বুলানির গেদোর্‌ গাজ্‌ছানিত্তে আর শঅরর্‌ দেবাল আর মর্‌ থেবার্‌ ঘরত্তে মরে গাজ্‌ দে।”মঅ গোজেনর ভালেদির্ আঢ্‌তানি আমা উগুরে এলঅ বিলিনে রাজা মর্‌ বেক্‌ কোজোলিগানি রোক্ষ্যে গুরিলো।

নহিমিয় 3:15

মিস্পা জেলার শাজন্‌গুরিয়্যে কল্‌হোষির পূঅ শল্লুম পয়নালার্‌-গেট্‌তুয়ো ঠিগ্‌ গুরিলো। তে সিয়েন উগুরে ছাল্‌ দিলো আর সিয়েনর দোরান্‌, খিলুন্‌ আর হুক্কুন্‌ লাগেল। রাজার বাগানর কায়-কুরে শীলোহর পুয়োরর্‌ দেবালত্তুন্‌ আরাম্ভ গুরিনে দায়ূদোর শঅরত্তুন্‌ যে সিড়িগান্‌ তলেন্দি লামি যেইয়্যে সিয়েন সং তে ঠিগ্‌ গুরিলো।

নহিমিয় 3:16

বৈৎসূর জেলার অদ্দেক ভাগর্‌ শাজন্‌গুরিয়্যে অস্‌বূকোর পূঅ নহিমিয় দেবালর পরেন্দি ভাগকান্‌ দায়ূদ-বংশর গোরানর্‌ ইত্তুন্‌ খুন্যে পুয়োর্‌বো আর বীরুনোর ঘরানি সং ঠিগ্‌ গুরিলাক্‌।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

পরমগীত 7:4

এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো, তর্ চোগ্ দ্বিবে বৎ-রব্বীমর গেদো ইদু হিষ্‌বোনর্ পুয়োরুনো ধোক্ক্যেন্। তঅ নাগ্‌‌কো যেন দামেস্ক ইন্দি মু লেবাননর্ অজল্ চুগিদার-ঘর।

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।