উপদেশক 2:23 - Chakma Bible

²³ পত্তি দিন্ তা কামানিত্ থায় পিড়ে আর কাঙেলেত্যে; রেদোত্‌অ তা মনান্ জিরেন্ ন-পায়। ইয়েন্‌ অ বাহ্‌জে।

উপদেশক 2:23 Iomraidhean Croise

পত্থম 3:17

পরেদি তে আদমরে কলঅ, “যে গাজ্‌চো গুলোগুন হেবাত্তে মুই মানা গোজ্যং তুই তঅ মোগো কধা শুনিনে সিগুন হেইয়োচ্‌। সেনে তত্ত্যে মাদিগান অভিশাব্ পেলঅ। সারা জীংকানিবর্‌ অমকদ দুঘো কামগুরিনে তে তুই মাদি উগুরে খেত-খেত্তি হেই পেবে।

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

ইষ্টের 6:1

সেই রেদোত্‌ রাজা ঘুম্‌ যেই ন-পারের্‌। তে উগুম্‌ দিলোদে যেনে তা রেজ্যর্‌ বিজগ বোইবো তাইদু আনা অয়। সে পরেন্দি সেই বোইবো তারে পোড়েই শুনো অলঅ।

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 5:7

যেধোক্ক্যেন্ সত্য যে আগুনো ঝিলান্‌ উগুরেন্দি উদে, সেধোক্ক্যেন্ সত্য, মান্‌জ্যে দুঘ্‌ পেবাত্তে জর্মান।

গীতসংহিতা 127:2

তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

গীতসংহিতা 32:4

কিত্যে সেক্কেনে দিনে-রেদে মঅ উগুরে তর্ আঢঅ চাপ্পান্ গুয়োর্ এলঅ; হরান্যেকালর্ গরমে যেধোক্ক্যেন্ অয় সেধোক্ক্যেন গুরি মর্ কি্য়্যের্ বলান কুমি যার্।

গীতসংহিতা 90:15

যেদকদিন সং তুই আমা বাড়্ গরানাগানি ভাঙি দিবার কাম গোজ্যস্, যেদক বজর আমি দুঘোত্ এলং, সেদক বজর তুই আমারে সুগেই রাগেয়োচ্।

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

উপদেশক 1:18

কিত্তে জ্ঞান বাড়িলে তা সমারে বোউত কাঙেলেত্যে বাড়ে, আর যেদক্ বুদ্ধি বাড়ে সেদক্ জ্বালা বাড়ে।

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 5:12

যে কাম গরে তে কম হোক্ বা বেশ্ হোক্ তা ঘুমান্ গম্ অয়। মাত্তর্ তাগোয়্যে মানুচ্চোর্ বোউত্ ধন-সোম্বোত্তি তারে ঘুম্ যেবাত্তে ন-দে।

উপদেশক 5:17

হাঙেলেত্যে, যন্ত্রণা আর রাগ্‌কোই সারা জিংকানিবর্ তে আন্ধারত্ কাদায়।

উপদেশক 8:16

জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।

দানিয়েল 6:18

যেরেদি রাজা রাজঘরত্ ফিরি যেইনে কিচ্চু ন-হেইনে রেত্তো কাদেল আর তাত্তে কনঅ রঙ্গ-ফুত্তির্ বেবস্থা গুরিবাত্তে ন-দিলো। তে সারা রেত্ ঘুম যেই ন-পারিলো।