উপদেশক 2:21 - Chakma Bible

²¹ ইয়েনর্ কারনান্ অলঅ, জ্ঞান, বুদ্ধি আর যোগ্যতালোই একজনে কাম্ গুরি পারে, মাত্তর্ সে পরেদি তার্ বেক্কানি অধিকার্ ইজেবে এধোক্ক্যেন্ একজনত্তে থোই যাহ্ পুরিবো যে মানুচ্চো তাত্তে কনঅ কাম্ ন-গরে। ইয়েন্অ বাহ্‌জে আর অমকদ দুঘোর্ কধা।

উপদেশক 2:21 Iomraidhean Croise

২ বংশধর 34:2

লগেপ্রভুর চোগেন্দি যিয়েনি গম্‌ তে সিয়েনি গুরিদো আর তার্‌ পূরোণি মানুচ্‌ দায়ূদোর পধেন্দি আদিদো; সে পথ্‌তানত্তুন্‌ ডেনে বা বাঙেন্দি ন-যেদঅ।

২ বংশধর 35:18

ভাববাদী শমূয়েল পরেত্তুন্‌ ধুরি আর কনদিন্‌অ ইস্রায়েলত্‌ এধোক্ক্যেন গুরিনে উদ্ধোর্‌-পরব্‌পো পালা ন-অয়। ধর্মগুরু, লেবীয় আর যিরূশালেম মানুচ্চুনোর লগে আঝিল্ ওইয়্যে যিহূদা আর ইস্রায়েলর বেক্‌ মানুচ্চুনোরে নেযেইনে যোশিয় যেধোক্ক্যেন গুরিনে উদ্ধোর্‌-পরব্‌পো পালেয়োন্‌ ইস্রায়েল রাজাগুনো ভিদিরে আর কনজনে সেধোক্ক্যেন গুরিনে ন-পালান্‌।

গীতসংহিতা 39:7

ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 49:11

তারা মনে গরন্দে তারার ঘর-বাড়ীগানি থিবেবর্ আঘে, তারার থেবার জাগায়ানি বংশর পর বংশ ধুরিনে থেবঅ, সেনত্তেই নিজোর নাঙে তারা সোম্বোত্তিগানির নাঙ্ দুয়োন।

উপদেশক 2:20

সেনত্তে বেলান তলেদি মুই যে দুঘোর্ কামানি গোজ্যং সিয়েনত্তে মঅ মনান্ আজা নেইয়্যে ওয়া ধুরিলো।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 9:18

যুদ্ধোর্ আত্যেরানিত্তুন্ জ্ঞানান্ গম্, মাত্তর্ এক্কো পাপী বোউত্ গম্ গম্ কাম বর্‌বাত্ গরে।

যিরমিয় 22:15

ভালোক্কুন এরস গাজ্ থেলে কি সিগুনে তরে রাজা বানেবাক্? তঅ বাবে যুনিয়ো গমেডালে হানা-দানা গুরিদো তো যিয়েন ঠিগ্ আরে ন্যায্য তে সিয়েন গুরিদো বিলি তা অক্তত্ বেক্কানি গমে চলিদো।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”