উপদেশক 2:18 - Chakma Bible

¹⁸ বেলান তলেদি যে জিনিস্‌চানি পৌইদ্যেনে মুই কাম্ গোজ্যং সিয়েনিরে ইক্কিনে মুই ঈচ্ গরা ধুরিলুং, কিত্তে মঅ পরেদি যে এবঅ তাত্তেই দঅ সিয়েনি থোই যাহ্ পুরিবো।

উপদেশক 2:18 Iomraidhean Croise

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

উপদেশক 1:3

বেলান তলেদি মান্‌জ্যে যে কামানি গরন্ সে কামানিলোই তার্ কি লাভ্?

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:21

ইয়েনর্ কারনান্ অলঅ, জ্ঞান, বুদ্ধি আর যোগ্যতালোই একজনে কাম্ গুরি পারে, মাত্তর্ সে পরেদি তার্ বেক্কানি অধিকার্ ইজেবে এধোক্ক্যেন্ একজনত্তে থোই যাহ্ পুরিবো যে মানুচ্চো তাত্তে কনঅ কাম্ ন-গরে। ইয়েন্অ বাহ্‌জে আর অমকদ দুঘোর্ কধা।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 4:3

মাত্তর্ এ দ্বিজনত্তুন্ তা অবস্থাগান্ আরঅ গম্ যিবে এজঅ জর্ময়ো ন-অয় আর বেলান তলেদি যে অন্যেয়ানি গরা অয় সিয়েনি ন-দেগে।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 9:9

বেলান তলেদি গোজেনে তরে এ কয়েক্কো দিন দিয়্যে, তঅ জিংকানির্ সে দিনুন্ তঅ মোক্কো, যিবেরে তুই কোচ্‌পাজ, তা সমারে হুজিয়ে-রাজিয়ে কাঢা, কিত্তে বেলান তলেদি তর্ জিংকানিগান আর তর্ দুঘে কাম্ গরানা ভিদিরে ইয়েনই তর্ পাওনা।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।