উপদেশক 2:17 - Chakma Bible

¹⁷ সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 2:17 Iomraidhean Croise

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

ইয়োব 14:13

আহ্‌, তুই যুনি মরে শবাশালত্‌ লুগেই রাগেদে, তর্‌ রাগ্‌কান লামি ন-যানা সং লুগেই রাগেদে, সে পরেদি মত্তেই এক্কান্‌ সময় ঠিগ্‌ গুরিনে আরঅ মরে মনত্‌ তুলিদে!

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:17

সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:22

বেলান তলেদি মান্‌জ্যে যেদক্কানি কাম্ আর চিদে-চজ্জা গরন্ যেরেদি সিয়েনির কি লাভ্ অয়?

উপদেশক 3:16

মুই বেলান তলেদি আর এক্কান বেপার দেগিলুং, ন্যায়বিচের আর গম্ জাগানিত্ পাজি কামানি আঘে।

উপদেশক 4:2

মুই বুঝিলুং, যিগুনে এজঅ বাঁজি আগন্ তারাত্তুন্ যিগুনে আগে মুরি যেইয়োন্ তারা আরঅ গমেডালে আগন্।

উপদেশক 4:3

মাত্তর্ এ দ্বিজনত্তুন্ তা অবস্থাগান্ আরঅ গম্ যিবে এজঅ জর্ময়ো ন-অয় আর বেলান তলেদি যে অন্যেয়ানি গরা অয় সিয়েনি ন-দেগে।

উপদেশক 6:9

আরঅ পেবার্ আওজত্তুন্ বরং চোগেদি যিয়েন্ দেগা যায় সিয়েন্দোই হুজি থানা গম্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

হবক্‌‌‌‌কূক 1:3

কিত্তে তুই মরে পাজিগানি চাদে বাধ্য গরর্? কিত্তে তুই অন্যেয়ানি সোজ্য গরর্? মঅ মুজুঙোত্ ভস্ত আর অত্যেচার অর্ আর আমিঝে কোল্-কোজ্যে আহ্ মারামারি চলের্।

গণাণা 11:15

তুই যুনি মর্‌ অবস্থাগান এধোক্ক্যেন গরচ্‌ সালে ইক্কুনি তুই মরে মারে ফেলা। যুনি মুই তর্‌ দোয়্যে পেই থাং সালে নিজোর্‌ চোগেদি মর্‌ নিজোর্‌ দজাগান মরে দেগিবাত্তে ন-দিস্‌।”