উপদেশক 12:5 - Chakma Bible

⁵ সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

উপদেশক 12:5 Iomraidhean Croise

পত্থম 42:38

মাত্তর্‌ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্‌ যুনি তার্‌ কনঅ দজা অয়্‌ সালে এ বুড়ো বয়জত্‌ বোউত্‌ দুঘে তুমি মরে মরণ জাগাত্‌ পাদেবা।”

পত্থম 44:29

ইক্কিনে যুনি তুমি ইবেরেয়ো মত্তুন্‌ নেযঅ আর তার্‌ কনঅ দজা অয়, সালে এ বুড়ো বয়জত্‌ বোউত্‌ দুঘে তুমি মরে মরণ জাগাত্‌ পাদেবা।

ইয়োব 15:10

আমা ভিদিরে এন্‌ এক্কো আঘে যিবের্‌ চুল্‌ পাক্যে, যিবে বুড়ো; তা বয়সছান্‌ তঅ বাবঅ বয়জত্তুন্‌‌অ বেশ্‌।

ইয়োব 17:13

যুনি মর্‌ ঘর ইজেবে মুই মরণর জাগায়ানরে আজা গরং, আন্ধার ভিদিরে যুনি মর্‌ বিচ্ছোনান্‌ পাদং,

ইয়োব 30:23

মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গম্ উপদেজ্ 16:31

পাগানা চুল অলদে দোল্ অনার মুকুট; গোজেন উগুরে ভোক্তিবলা জিংকানি কাদেইনে সিয়েন পাহ্ যায়।

গম্ উপদেজ্ 20:29

গাবুজ্যেগুনোর বলান্ অলঅ তারার দোল্, আর বুড়োগুনোর বাড়্‌বো গরানাগান অলঅ পাগানা চুলান্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিরমিয় 1:11

সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

লেবীয় 19:32

যিগুনে বুড়ো তারা কায়কুরে এলে উদিনে থিয়্যেবা আর তারারে সর্মান গরা পুরিবো। তুমি তমার গোজেনরে ভোক্তি গুরিনে দোরেবা। মুই লগেপ্রভু।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।