উপদেশক 12:3 - Chakma Bible

³ সে অক্তত্ ঘরর্ চুগিদারুনে গির্‌গিরেবাক্, আর বোলীবন্দ মানুচ্চুনে আঢুর্ ওই যেবাক্; যিগুনে গম্ মাড়ন্ তারা মানুচ্ কম্ বিলিনে কাম্ ছাড়ি দিবাক্, আর জানালাদি যিগুনে রিনি চেদাক্ তারা আর্ গমেডালে ন-দেগিবাক্।

উপদেশক 12:3 Iomraidhean Croise

পত্থম 27:1

বুড়ো বয়জত্‌ ইস্‌হাকে চোগেদি রিনি চেবার খেমতাগান এদক্‌ কুমি গেলদে যে, যেরেন্দি তে আর কিচ্ছু ন দেগিদো। একদিন্যে তে তার দাঙর্‌ পুয়ো এষৌরে ডাগিনে কলঅ, “মর্ বাবা।” এষৌ জোবত্ কলঅ, “এইয়্যে দঅ মুই।”

পত্থম 48:10

বুড়ো বয়জত্‌ চোগেদি দেগিবার্‌ খেমতা কম অনার্‌ কারনে ইস্রায়েলে গমেডালে ন-দেগের্। সেনত্তে যোষেফে তা পুয়োগুনোরে তা বাবঅ ইধু নেযেল। সেক্কে ইস্রায়েলে তারারে আজাগুরি ধুরিনে চুমিলো।

গীতসংহিতা 102:23

মঅ অদ্দেক্ জিংকানিত্ তে মঅ বলান্ কোমেই দিয়্যে, মঅ আয়ুগান বাদি গুরি দিয়্যে।

গীতসংহিতা 35:14

ভেই আর সমাজ্যে আরেবার ধোক্ক্যেন্ মুই তারাত্তে আবিলেচ্ হেইয়োং; আবিলেচ্ হেবার্ সময়োত্ মা আরাইদে ধোক্ক্যেন্ মাঢা নিগিজ্যং।

গীতসংহিতা 38:6

মুই গুজোং ওই যেইয়োং, এক্কুবারে ঢুলি পোজ্যং; পুরো দিন্নো মুই মনত্ দুখ্ গুরিনে বেড়াং।

সখরিয় 8:4

যগাজ্যে বয়জর্ মরদ্ আর মিলেগুনে আরঅ যিরূশালেমর খুলো জাগাত্ বোইনে সময় কাদেবাক্ আর বেশ্ বয়জ্ অনার কারনে তারার্ পত্তিজন আঢত্ লুদিক্ থেবঅ।

১ শমূয়েল 3:2

সেই সময়োত্‌ এলির চোক্কুন এদক বর্‌বাদ্ ওই যেয়োন্দে যে, তে প্রায়ই ন-দেগিদো। একদিন্যে রেত্ সম্বাগত এলি তার নিজোর জাগানত্‌ ঘুম গেলঅ।