উপদেশক 11:3 - Chakma Bible

³ মেঘ্‌কানে যুনি পানিলোই ভরা থায় সালে সিয়েনত্তুন্ পিত্‌থিমীত্ ঝড় পড়ে। গাজ্‌সো দোগিণে কি উত্তোরে পোড়োক্, যিয়োত্ পুরিবো সিয়োদই পড়ি থেবঅ।

উপদেশক 11:3 Iomraidhean Croise

১ রাজাবলী 18:45

এ ভিদিরে আগাজ্‌ছান মেঘে কালা ওই গেলঅ, বোইয়ের্‌ বেলঅ আর অমকদ ঝড় এলঅ। আহাবে রথ্‌তানত্‌ গুরিনে যিষ্রিয়েলত্‌ আঢা মারিলো।

উপদেশক 11:2

তঅ ধনুন্ নানান্ বাবোত্যেগুরি খাদা, কিত্তে পিত্‌থিমীত্ কি বাবোত্যে দজা এবঅ সিয়েন্ দঅ তুই হবর্ ন-পাজ্।

উপদেশক 11:4

যে মানুচ্চো যগাজ্যে বোইয়্যেরত্তে বাজ্জেই থায় তা বীজিগুন্ ফেলা ন-অয়; যে মানুচ্চো যগাজ্যে সময়ত্তে বাজ্জেই থায় তার্ খেত্-খেত্তি কাবা ন-অয়।

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

লূকে লেখ্যে গম্ হবর্ 13:7

সেক্কে তে বাগান চুগিদার্‌বোরে কলঅ, ‘চাহ্, তিন বজর্ ধুরিনে এ ডোমোর্ গাজ্‌চোত্ মুই ফল তগাঙর্ মাত্তর্ কিচ্চু ন-পাঙর্। সেনত্তে তুই গাচ্চো কাবি ফেলা। কিত্তে ইবে বানা বানা ভূইয়ান বরবাদ্ গুরিবো?’

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?