উপদেশক 10:12 - Chakma Bible

¹² জ্ঞানী মান্‌জ্যর মুয়োর্ কধাত্ দোয়্যে থায়, মাত্তর্ ভুলো তা মুয়োর্ কধালোই নিজোরে ভস্ত গরে।

উপদেশক 10:12 Iomraidhean Croise

২ শমূয়েল 1:16

দায়ূদে সে গাবুজ্যেবোরে কলদে, “তর্‌ মরণানত্তে তুই নিজেই দায়ী, কিত্যে তর্‌ মুয়ো কধানি তর্‌ বিরুদ্ধে সাক্ষী দিয়্যেদে, লগেপ্রভুর অভিষেগ গোজ্যে মানুচ্চোরে তুই মারে ফেলেয়োচ্‌।”

ইয়োব 16:5

মাত্তর্‌ মুই সিয়েন্‌ ন-গুরিদুঙ্‌, বরং মঅ মুয়োনে তমারে উচ্ছোমি দিদো; মঅ মুয়োর্ বুঝেবার কধানিয়ে তমারে সুগ্‌ দিদো।

গীতসংহিতা 140:9

যিগুনে মরে ঘিরিনে ধোজ্যন্ তারার মুয়োনি যেদক্কানি অন্যেয় গোজ্যে সিয়েনি তারা মাঢা উগুরে পোড়োক্।

গীতসংহিতা 37:30

গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গম্ উপদেজ্ 10:10

যে মানুচ্চো চোগোদি ইজিরে দে তে দুঘ্ দে; বেশ্ কধা কোইয়্যে বাজে মানুচ্চো ভস্ত ওই যেবঅ।

গম্ উপদেজ্ 10:8

যিবের্ মনত্ জ্ঞান আঘে তে উগুম মানে, মাত্তর্ বেশ্ কধা কোইয়্যে বাজে মানুচ্চুন ভস্ত ওই যেবাক্।

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 15:23

যে মানুচ্চো যগাজ্যে জোব্ দি পারে তে হুজি অয়; যগাজ্যেগুরি কোইয়্যে কধানি কেজান্ গম!

গম্ উপদেজ্ 19:5

মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।

গম্ উপদেজ্ 22:11

যে মানুচ্চো গম্ মনান্ কোচ্‌পায় আর দোয়্যে-মেয়্যে কধাবাত্তা কয় তে রাজার সমাজ্যে অয়।

গম্ উপদেজ্ 26:9

মাত্তল্ মান্‌জ্য আঢত্ কাদা ফুদিলে যেধোক্ক্যেন্, সেধোক্ক্যেন বিবেচনা নেইয়্যেবোর মুয়োত্ গম্ উপদেজ্।

গম্ উপদেজ্ 31:26

তে বুদ্ধি গুরিনে কধা কয়; কোচ্‌‌পানার মনভাব্‌‌পোই তে উগুম্ দে।

উপদেশক 12:11

জ্ঞানী মানুচ্চুনোর্ কধা গরগর্ লুদিগো ধোক্ক্যেন্। তারা কধানি এগত্তর্ গুরিলে মনে অয় যেন বেক্কুন্ দরমর গুরি বানেয়্যে জোলোই। সিয়েনি এক্কো গরগে দিয়্যে কধা।

উপদেশক 4:5

ভুল্ মান্‌‌জ্যে আঢ্‌তান গুজেই থোইনে নিজোরে ভস্ত গরে।

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

উপদেশক 5:6

তঅ মুয়োনে যেনে তরে পাপ পধেদি ন-নেযায়। “মর্ মানত্ গরানা ভুল্ ওইয়্যে,” এ কধাগান্ উবোসনা ঘরর্ সেবাগুরিয়্যেবোরে ন-কবে। তঅ কধাগানত্তে কিত্তে গোজেনে বেজার্ ওইনে তঅ আঢ কামানি বর্‌বাত্ গুরিবো?

উপদেশক 9:17

ভুল্ বেদমাগুনোর্ শাজন্‌গুরিয়্যেবোর্ রঅ ছাড়ানাত্তুন্ বরং জ্ঞানীগুনোর্ দোল্ কধানি শুনোনা গম্।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।