উপদেশক 1:3 - Chakma Bible

³ বেলান তলেদি মান্‌জ্যে যে কামানি গরন্ সে কামানিলোই তার্ কি লাভ্?

উপদেশক 1:3 Iomraidhean Croise

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:18

বেলান তলেদি যে জিনিস্‌চানি পৌইদ্যেনে মুই কাম্ গোজ্যং সিয়েনিরে ইক্কিনে মুই ঈচ্ গরা ধুরিলুং, কিত্তে মঅ পরেদি যে এবঅ তাত্তেই দঅ সিয়েনি থোই যাহ্ পুরিবো।

উপদেশক 2:19

সে মানুচ্চো জ্ঞানী না বুদ্ধিবলা অবঅ সিয়েন্ কন্না হবর্ পায়? তো তে মর্ বেক্ কামর্ ফলুন্ ভোগ্ গুরিবো, যিয়েনত্তে মুই বেলান তলেদি কাম্ গোজ্যং আর কাবিদ্যেংগিরি দেগেয়োং। ইয়েন্‌অ বাহ্‌জে।

উপদেশক 2:22

বেলান তলেদি মান্‌জ্যে যেদক্কানি কাম্ আর চিদে-চজ্জা গরন্ যেরেদি সিয়েনির কি লাভ্ অয়?

উপদেশক 3:9

যে কাম্ গরে তে তার্ কামর্ ফল কি পায়?

উপদেশক 4:3

মাত্তর্ এ দ্বিজনত্তুন্ তা অবস্থাগান্ আরঅ গম্ যিবে এজঅ জর্ময়ো ন-অয় আর বেলান তলেদি যে অন্যেয়ানি গরা অয় সিয়েনি ন-দেগে।

উপদেশক 4:7

বেলান তলেদি মুই আরঅ কিজু ন-ফলেদে জিনিস দেগিলুং।

উপদেশক 5:16

ইয়েন্অ এক্কান্ অমদক দুঘোর্ কধা, মানুচ্ যেধোক্ক্যেন্ গুরি এজন্ সেধোক্ক্যেন্ গুরি যান্; সিয়েনর্ লাভ্‌পান কি? তে দঅ বোইয়্যেরানত্তে কাম্ গরে।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 7:11

জ্ঞানান্ সোম্বোত্তি পাইদ্যে ধোক্ক্যেন্ গম্ জিনিস; সিয়েন্ জেদা মানুচ্চুনোরে ভালেদি গরে।

উপদেশক 9:13

মুই বেলান তলেদি জ্ঞান পৌইদ্যেনে আর এক্কান্ বেপার দেগিলুং যিয়েন মঅ মনত্ গভিন্ গুরিনে মনত্ থেলঅ।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

উপদেশক 9:6

তারার্ কোচ্‌পানা, ঈচ্ গরানা আর ইংসে গরানা আগেদি থুম্ ওই যেইয়্যে; বেলান তলেদি যিয়েনি ঘুদিবো সেক্কে তারার্ আর কনঅ ভাগ্ ন-থেবঅ।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।