উপদেশক 1:2 - Chakma Bible

² তে কোইয়্যেদে, “বাহ্‌জে, বাহ্‌জে ধরনর্! কনঅ কিজু থিদেবর্ নয়। বেক্কানি বাহ্‌জে!”

উপদেশক 1:2 Iomraidhean Croise

ইয়োব 11:12

ঝার গাধা ছঅগুনে যেধোক্ক্যেন্ মানুচ্‌ ওইনে জর্ম নেযেই ন-পারন্‌, সেধোক্ক্যেন্ বুদ্ধি নেইয়্যে মানুচ্চুনে জ্ঞানী ওই ন-পারন্‌।

গীতসংহিতা 144:4

মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

উপদেশক 11:10

সেনত্তে তঅ মনানত্তুন্ হুজ্‌তেরিগানি দূর্ গুরি দে, আর তঅ কিয়্যেগানরে দুঘ্ পেবাত্তে ন-দিচ্, কিত্তে গাবুরো জিংকানিগান্ আর বলান্ জনমত্তে নয়।

উপদেশক 11:8

এক্কো মানুচ্ যুনি ভালোক্ বজর্ বাঁজি থায় সালে তে যেন সে দিনুনোত্ রঙ্গ-ফুত্তি গরে। মাত্তর্ আন্ধার দিনুনোর্ কধায়ো যেন তে মনত্ রাগায়, কিত্তে সিগুন বোউত্ অবাক্। যিয়েনি ঘুদিবো সিয়েনি বেক্কানি কানক্কনত্তে।

উপদেশক 12:8

উপদেশকে কোইয়্যেদে, “বাহ্‌জে, বাহ্‌জে, বেক্কানি বাহ্‌জে!”

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:15

সে পরেদি মুই নিজো মনেদি কলুং, “ভুলোর্ যে দজাগান্ অয় মরঅ দঅ সে দজাগান্ অবঅ। সালে এদক্ জ্ঞানী ওইনে মর্ কি লাভ্ অলঅ? ইয়েন দঅ বাহ্‌জে।”

উপদেশক 2:17

সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 2:19

সে মানুচ্চো জ্ঞানী না বুদ্ধিবলা অবঅ সিয়েন্ কন্না হবর্ পায়? তো তে মর্ বেক্ কামর্ ফলুন্ ভোগ্ গুরিবো, যিয়েনত্তে মুই বেলান তলেদি কাম্ গোজ্যং আর কাবিদ্যেংগিরি দেগেয়োং। ইয়েন্‌অ বাহ্‌জে।

উপদেশক 2:21

ইয়েনর্ কারনান্ অলঅ, জ্ঞান, বুদ্ধি আর যোগ্যতালোই একজনে কাম্ গুরি পারে, মাত্তর্ সে পরেদি তার্ বেক্কানি অধিকার্ ইজেবে এধোক্ক্যেন্ একজনত্তে থোই যাহ্ পুরিবো যে মানুচ্চো তাত্তে কনঅ কাম্ ন-গরে। ইয়েন্অ বাহ্‌জে আর অমকদ দুঘোর্ কধা।

উপদেশক 2:23

পত্তি দিন্ তা কামানিত্ থায় পিড়ে আর কাঙেলেত্যে; রেদোত্‌অ তা মনান্ জিরেন্ ন-পায়। ইয়েন্‌ অ বাহ্‌জে।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 2:8

মুই বোউত্ সনা-রুবো আর অন্য রাজাগুনোর্ আর নানান্ রেজ্যর্ ধন-সোম্বোত্তি আনিনে থুবেলুং। মুই বোউত্ গান গেইয়্যে মিলে-মরদ আর মরদরে ফুত্তি দিয়্যে বোউত্ লাঙনি পেলুং।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 4:16

আগে এ গাবুজ্যে রাজাবোর্ বোউত্ মানুচ্ এলাক্ যিগুনো উগুরে তে রাজাগিরি গোজ্যে, মাত্তর্ সে পরেদি মানুচ্চুনে তা উগুরে হুজি ন-এলাক্। ইয়েন বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:10

যে মানুচ্চো টেঙা-পোইজ্যে কোচ্‌পায় তার কনদিন্অ যগাজ্যে ওইয়্যে বিলিনে মনে ন-অয়। যে মানুচ্চো ধন-সোম্বোত্তি কোচ্‌পায় তে তার ইনকাম্বোই কনদিন্অ হুজি ন-অয়। ইয়েন্অ বাহ্‌জে।

উপদেশক 6:11

যেদক্ বেশ্ কধা কুয়ো অয় সেদক্ বেশ্ ভান্ন্যেয়ানি বাড়ে, আর সেক্কে মান্‌জ্যর্ কি লাভ্ অয়?

রোমীয় 8:20

কিয়া সৃট্টির্ উদ্দেশ্যগান্ বিফল ওই যেইয়্যে। খালিক্, নিজোর্ আয়োজে সিয়েন ন-অয়; গোজেনে তারে বিফলতার্ আঢত্ ইরি দিয়্যে। মাত্তর্ তা সমারে সমারে এ আজাগান দিয়্যেদে যে,