উপদেশক 1:17 - Chakma Bible

¹⁷ সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 1:17 Iomraidhean Croise

গীতসংহিতা 73:16

মুই যেক্কেনে ইয়েনি পৌইদ্যেনে বুঝিবার চেট্ট্যা গুরিলুং সেক্কেনে মঅ মনানরে সিয়েনিয়ে দুঘ্ দিয়্যে ধুরিলো;

উপদেশক 12:8

উপদেশকে কোইয়্যেদে, “বাহ্‌জে, বাহ্‌জে, বেক্কানি বাহ্‌জে!”

উপদেশক 2:17

সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:6

বোইয়্যের পিজেদি যেবাত্তে কাম্ গুরিনে দ্বিমুঠ্ পানাত্তুন্ সুগে-শান্দিয়্যে এক মুঠ্ পানা বোউত্ গম্।

উপদেশক 6:9

আরঅ পেবার্ আওজত্তুন্ বরং চোগেদি যিয়েন্ দেগা যায় সিয়েন্দোই হুজি থানা গম্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 8:16

জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

১ থিষলনীকীয় 5:21

যিয়েন গম সিয়েন ধুরি রাগেয়ো,