উপদেশক 1:14 - Chakma Bible

¹⁴ বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:14 Iomraidhean Croise

উপদেশক 12:8

উপদেশকে কোইয়্যেদে, “বাহ্‌জে, বাহ্‌জে, বেক্কানি বাহ্‌জে!”

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:17

সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 4:16

আগে এ গাবুজ্যে রাজাবোর্ বোউত্ মানুচ্ এলাক্ যিগুনো উগুরে তে রাজাগিরি গোজ্যে, মাত্তর্ সে পরেদি মানুচ্চুনে তা উগুরে হুজি ন-এলাক্। ইয়েন বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:6

বোইয়্যের পিজেদি যেবাত্তে কাম্ গুরিনে দ্বিমুঠ্ পানাত্তুন্ সুগে-শান্দিয়্যে এক মুঠ্ পানা বোউত্ গম্।

উপদেশক 6:9

আরঅ পেবার্ আওজত্তুন্ বরং চোগেদি যিয়েন্ দেগা যায় সিয়েন্দোই হুজি থানা গম্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 8:16

জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।