দ্বি’লম্বর বিররণ 7:3 - Chakma Bible

³ তুমি তারা সমারে কনঅ মেথ্‌বানর সম্পর্ক ন-গুরিবা। তমার মিলেগুনোরেয়ো তুমি তারার্‌ পূঅগুনোর্‌ আদত্‌ ন-দিবা আর তারার্‌ মিলেগুনোরেয়ো তুমি তমা পূঅগুনোত্তে ন-আনিবা,

দ্বি’লম্বর বিররণ 7:3 Iomraidhean Croise

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

১ রাজাবলী 11:2

তারা সে জাদত্তুন্‌ এচ্ছোন্‌ যিগুনোর পৌইদ্যেনে লগেপ্রভু ইস্রায়েলীয়গুনোরে কোইয়্যে, “তুমি তারারে ন-লবা, কিয়া তারা হামাক্কাই তমার মনানি তারার্‌ দেব-দেবেদাগুনো ইন্দি টানি নেযেবাক্‌।” মাত্তর্‌ শলোমনে তারারে কোচ্‌পেইনে আজাবোদে ধুরি রাগেল।

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

ইষ্রা 10:3

ইক্কিনে এজঅ, আমা গোজেন মুজুঙোত্ আমি এ এগেমান্ গুরিই, আমার গিরোজ্ তর্ সল্লা মজিম আর আমা গোজেনর্ উগুমানরে যিগুনে দরান্ তারার্ সল্লা মজিম আমি এ মিলেগুনোরে আর তারার্ ঝি-পুয়োগুনোরে বাদ দিবোং। রীদি-সুুদোম মজিম সিয়েন গরা ওক্।

ইষ্রা 9:12

সেনত্যেই তমা ঝিগুনোরে তারার্ পুয়োগুনো সমারে বৌ ন দুয়ো বা তমা পুয়োগুনোত্যে তারার্ ঝিগুনোরে ন নেযেয়ো আর কনদিন্অ তারার্ মংগল বা ভালেদির্ চেট্ট্যা ন-গোজ্য। ইয়েন্দোই তুমি বোলী অবা আর ভূইয়োর্ গম গম জিনিস হেই পারিবা আর উমরর্ অধিকার ইজেবে দেজ্‌‌চান্ তমার্ পুয়ো-ঝিগুনোত্যে থোই যেই পারিবে।

নহিমিয় 10:30

আমি আমা কায়-কুরে জাদ্‌‍‍তুনোর্‌ লগে আমা ঝিগুনোরে বৌ ন-দিবোং বা আমা পূঅগুনোত্তে তারার্‌ ঝিগুনোরে বৌ ন-নিবোং।

বিচের গুরিয়্যেগুন 14:3

জোবত্‌ তা মা-বাবে কলাক্কে, “তঅ কুদুম্মোগুনো ভিদিরেত্তুন্‌ বা আমা বেক্‌ জাদ্‌তুনোর ভিদিরেত্তুন্‌ কি কনঅ মিলে নেই, মোগ্‌ লবাত্তে তত্তুন্‌ সুন্নত ন-গোজ্যে পলেষ্টীয়গুনো ইদু যাহ্ পুরিবো?” মাত্তর্‌ শিম্‌শোনে তা বাবরে কলঅ, “না, মত্তেই তারে তুমি দুয়ো। তারে মুই বেই লোইয়োং।”