দ্বি’লম্বর বিররণ 6:3 - Chakma Bible

³ ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।

দ্বি’লম্বর বিররণ 6:3 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিরমিয় 42:6

আমি যাইধু তরে পাদের্ আমি আমার সেই গোজেন লগপ্রভুর কধার বাধ্য অবং-সিয়েন আমার মনত্‌পোজ্যে ওক বা ন-ওক। যুনি আমি আমার গোজেন লগেপ্রভুর বাধ্য ওই সালে আমার গম্ অবঅ।”

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

প্রেরিত্‌ 7:17

অব্রাহাম ইধু গোজেনে যে এগেম্ গোজ্যে সিয়েন পুরেবার্ অক্তবো যেক্কে কায়কুরে এলঅ সেক্কে দেগা গেলঅ মিসরত্ আমা মানুচ্চুন অমকদ জনেদি বেশ্ ওইয়োন।

দ্বি’লম্বর বিররণ 26:15

ও লগেপ্রভু, তর্‌ পবিত্র থেবার জাগা স্বর্গত্তুন তুই তলেন্দি রিনি চাহ্ আর তঅ মানুচ্চুনোরে, অত্তাৎ ইস্রায়েলীয়গুনোরে তুই আশিদ্‌বাদ গর্‌। আমার পূরোণি মানুচ্চুনো ইদু তর্‌ শমক্‌ খেইয়্যে এগেম্ মজিম দুধ আর মধুলোই ভোজ্যে যে দেজ্‌ছান তুই আমারে দুয়োচ্‌ সে দেজ্‌ছানরেয়ো আশিদ্‌বাদ গর্‌।

দ্বি’লম্বর বিররণ 26:9

তে আমারে ইয়েনত্ আন্যে আর দুধ আর মধুলোই ভোজ্যে এ দেজ্‌ছান আমারে দিয়্যে।

দ্বি’লম্বর বিররণ 27:3

আর সিগুনো উগুরে এ রীদি-সুদোমর্ বেক্‌ কধানি লিগিবা। তমার পুরোণি মানুচ্চুনোর গোজেন লগেপ্রভু তমা ইদু গোজ্যে তার এগেম্ মজিম দুধ আর মধুলোই ভোজ্যে যে দেজ্‌ছান তমারে দিবাত্তে যার্‌ তুমি সিয়েনত্‌ যানার পরেন্দি,

দ্বি’লম্বর বিররণ 31:20

তারার পুরোণি মানুচ্চুনো ইদু মর্‌ শমক্‌ গোজ্যে সেই দুধ আর মধুলোই ভরা দেজত্‌ যেক্কে মুই তারারে নেযেম্‌ আর যেক্কে তারা পেট ভরা খেইনে সুগেই থেবাক সেক্কে তারা মরে ঈচ্ গুরিনে মর্‌ সুদোমানি ভাঙিনে দেব-দেবেদাগুনোর্ পিজেন্দি যেইনে তারারে পূজো গুরিবাক।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।