দ্বি’লম্বর বিররণ 4:8 - Chakma Bible

⁸ এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

দ্বি’লম্বর বিররণ 4:8 Iomraidhean Croise

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

গীতসংহিতা 119:138

তর্ ধার্মিক্কান্দোই আর বিশ্বেজ্‌ছান্দোই তুই তর্ সুদোমানি দুয়োচ্।

গীতসংহিতা 119:144

তর্ বেক কধানি উমরত্তে সত্য; মরে সিয়েনি বুঝোনার খেমতাগান দে যেনে মুই বাঁজি থেই পারং।

গীতসংহিতা 119:160

তর্ বেক কধানি সত্য; তর্ এক এক্কান ধর্মীয় সুদোম উমরত্তে থিদেবর্ গোজ্যে।

গীতসংহিতা 119:86

তর্ বেক উগুমানি বিশ্বেজ্ গুরিবার। মান্‌জ্যে মিজে কধা কোইনে মরে অত্যেচার গরন্; তুই মরে বল্ দে।

গীতসংহিতা 119:96

মুই রিনি চেয়োংগে কনঅ কিচ্ছুর তুজিমপুরো নেই, মাত্তর্ তর্ উগুমানি বেক্কানিত্তুন্ তুজিমপুরো।

গীতসংহিতা 89:14

সততা আর ন্যায়বিচের উগুরে তর্ সিংহাসনান্ থিয়্যেই আঘে; কোচ্‌পানা আর বিশ্বেজ্‌ছান তর্ আগেন্দি যায়।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

হোশেয় 8:12

মর্ রীদি-সুদোমর্ বোউত্ কধা মুই তারাত্তেই লেখ্যং, মাত্তর্ তারা সিয়েনি বিদেশী কনঅ কিজু বিলি মনে গোজ্যন্।

রোমীয় 3:2

বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”