দ্বি’লম্বর বিররণ 4:6 - Chakma Bible

⁶ ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

দ্বি’লম্বর বিররণ 4:6 Iomraidhean Croise

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

১ রাজাবলী 4:34

পিত্‌তিমীর্ যিদুক্কুন্‌ রাজায় শলোমন জ্ঞান বিষয়ে শুন্যন্‌ তারা তার জ্ঞানবলা কধা শুনিবাত্তে মানুচ্চুনোরে পাধেই দিদাক্। এধোক্ক্যেনগুরি পত্তি জাদর্‌ মানুচ্চুনে তাইদু এদাক্।

যাকোব 3:13

তমা ভিদিরে জ্ঞানী আর বুদ্ধিবলা কন্না? তে তার্ সৎ জিংকানিলোই জ্ঞানত্তুন্ নিগিলি এচ্চ্যে নম্রতাগান্দোই কাম দেগোক্।

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

মালাখি 3:12

সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

দানিয়েল 4:9

মুই কলুং, ও যাদুকরর্ আজল্লো বেল্টশৎসর, মুই হবর্ পাং তঅ ভিদিরে সুদ্ধো-সাংগ এমন কিজু আঘে যিয়েনি এ পিত্‌‌‌থিমীর নয় আর কনঅ গুমুরো বিষয় হবর্ পানা তইদু অমকদ আঘাত্যে নয়। মর্ এ স্ববনানর্ ভেদ্‌তান্ তুই কোই দে।

দ্বি’লম্বর বিররণ 29:9

সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

যিহিষ্কেল 5:5

মুই প্রভু লগেপ্রভু কঙর্, ইয়েন অলঅ যিরূশালেম। তারে মুই জাদ্‌‌তুনো সংমোধ্যে থিদেবর্ গোজ্যং; তা চেরোকিত্তে রোইয়্যেদে নানান্ দেজ্।

হোশেয় 8:12

মর্ রীদি-সুদোমর্ বোউত্ কধা মুই তারাত্তেই লেখ্যং, মাত্তর্ তারা সিয়েনি বিদেশী কনঅ কিজু বিলি মনে গোজ্যন্।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

গম্ উপদেজ্ 1:4

যেন ভুল্ মানুচ্চুনে চালাগ্ অন আর গাবুজ্যেগুনে জ্ঞান আর বিচেরবুদ্ধি পান,

গম্ উপদেজ্ 1:5

-জ্ঞানীগুনে এ উপদেজ্‌ছানি শুনোদোক্ আর শিক্ষ্যে পাদোক্, আর বুদ্ধিবলাগুনে শুনিনে পধেদি যাদে কাবিল্ ওদোক্-

গম্ উপদেজ্ 14:34

গোজেন উগুরে ভোক্তি জাদরে সর্মান গরে মাত্তর্ পাপ জাদরে অসর্মানত্ ফেলায়।

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।